Stroodiek

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Helmworth
Inwahners:
Postleettall:	21775
Vörwahl:	04755
Geograafsche Laag:	53° 43′ N, 8° 55′ O

Stroodiek (hoochdüütsch Straßdeich) is en Oort in de Gemeen Helmworth (Samtgemeen Land Hadeln) in’n Landkreis Cuxhoben, Neddersassen.

Luftbild von Stroodiek von Süden keken (2013)

Geografie

De Oort liggt in Hadeln in de Masch von de Mehm. Dat Water ut dat Rebeed flütt över de Stroodiekwettern na de Mehm hen af. De Grenz na Mehmstood in’n Westen warrt von de Au billt.

De Naveröörd sünd Helmworth in’n Noorden, de Siedendeel in’n Noordoosten, Mislag in’n Oosten, dat Noorderenn von Steenau in’n Süden, de Westersied von Steenau in’n Süüdwesten un Mehmstood in’n Westen.

Historie

Stroodiek is en Maschhovendörp.

In de Tied von’n Groten Noorschen Krieg (mit de Belagerung von Stood 1712) is in’n Harvst 1713 de Pest in Hadeln utbraken. In Stroodiek un Mehmstood sünd 250 Minschen doodbleven.

Verwaltungsgeschicht

De Oort hett vör 1852 to dat Kaspelsgericht Ooster-Helmworth in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort hett bet to’n 1. Oktober 1937 to de Gemeen Ooster-Helmworth tohöört, de sik denn mit Wester-Helmworth to een Gemeen tohoopslaten hett.

Inwahnertall

Johr	Inwahners
1848-00-001848	338 Lüüd, 58 Hüüs*
1871-12-011. Dezember 1871	128 Lüüd, 24 Hüüs
1885-12-011. Dezember 1885	??? Lüüd, 26 Hüüs

* De Tallen gellt för den Oortsdeel Straat, to den ok Rebeden tohöört hebbt, de nich to Stroodiek an sik tellt.

Religion

Stroodiek is evangeelsch-luthersch präägt un höört to dat Kaspel von de Wilhadi-Kark in Helmworth.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

För Stroodiek is de freewillige Füürwehr Helmworth mit tostännig.

Verkehr

Dör Straat dör Stroodiek löppt in’n Noorden na Helmworth an de Kreisstraat 20 un wieder an de Landsstraat 117 un in’n Süden dör dat Noorderenn von Steenau na de Landsstraat 144. De L 117 föhrt von Helmworth in’n Noorden na Neenkarken an de L 118 un wieder na Oterndörp un in’n Süüdwesten över Steenau na Beers. De L 144 föhrt von Steenau in’n Noordoosten över Godshem, Bülkau un Kedenbrook na Neehuus.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 3 Noordholt liggt so 21 Kilometer in’n Westen von Stroodiek an de K 14.

De nächste Bahnhoff is so bi ölven Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen

De Kinner ut Stroodiek gaht na de Grundschool Helmworth. Ok fröher sünd se al jümmer in Helmworth na Volksschool gahn.