Suurheid (Gemeen Otterbarg)

Wapen/Flagg	Koort
Basisdaten
Bundsland: Neddersassen Landkreis: Veern Gemeen: Otterbarg
Inwahners:
Postleettall:	28870
Vörwahl:	04293
Geograafsche Laag:	53° 7′ N, 9° 5′ O

Suurheid (hoochdüütsch Surheide) is en lütten Oort in de Gemeen Otterbarg in’n Landkreis Veern, Neddersassen. Dat is en Deel von Quelkhoorn un höört binnen de Gemeen Otterbarg to de polietsche Oortschop Hu’e.

Geografie

De Oort liggt op’n Rand von de Zevener Geest hen na de Maschen un dat Moor langs de Wümm.

De Naveröörd sünd Quelkhoorn in’n Noorden, Otterst in’n Noordoosten, Kamp in’n Oosten, Otterbarg in’n Süüdoosten, de Breednau in’n Süden, Hu’e in’n Süüdwesten, Willemshusen in’n Westen un Rutendörp in’n Noordwesten.

Historie

Suurheid is as Anbo von Quelkhoorn ut grünnt worrn.

Verwaltungsgeschicht

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1880 to dat Amt Zeven. 1880 is de Oort denn in dat Amt Achem wesselt, ut dat 1885 de Kreis Achem worrn is. 1932 is dat Deel von’n Kreis Veern worrn.

De Oort hett polietsch von öllers bi Quelkhoorn mit bihöört. De Gemeen Quelkhoorn is 1968 Deel von de Gemeen Hu’e worrn un an’n 1. Juli 1972 mit de Gemeenreform in Neddersassen Deel von de Gemeen Otterbarg.

Inwahnertall

Johr	Inwahners
1871-12-011. Dezember 1871	28 Lüüd, 6 Hüüs
1885-12-011. Dezember 1885	24 Lüüd, 6 Hüüs
1905-12-011. Dezember 1905	38 Lüüd, 6 Hüüs

Religion

Suurheid is evangeelsch-luthersch präägt un höört to dat Kaspel von de Leevfroon-Kark in Hu’e. Dat is sied 1868 so. Vörher hett de Oort to dat Kaspel von de Petri-Kark in Wilst höört.

För de Kathoolschen is de St.-Matthias-Kark in Achem tostännig.

De Doden warrt op’n Karkhoff Quelkhoorn begraven, de 1869 anleggt worrn is.

Weertschop un Infrastruktur

Verkehr

Suurheid is över lüttjere Straten anbunnen an Quelkhoorn. Dör Quelkhoorn löppt de Landsstraat 154, de in’n Noordwesten över Seebargen na Falkenbarg bi Leendaal geiht un in’n Oosten na Otterbarg. In’n Noorden geiht de Kreisstraat 3 na Bookholt un Wilst un in’n Süden de K 2 na Hu’e un Eiten. In’n Noordwesten geiht de K 34 över Rutendörp un Huxfeld na Grasbarg.

De nächste Autobahn is de Autobahn 1 (Afsnidd Hamborg–Bremen). De Opfohrten 50 Stuckenbossel un 52 Eiten doot all beid so ölven Kilometer wied weg von Suurheid liggen.

De nächste Bahnhoff is so bi söven Kilometer wied weg in’n Süüdwesten de Bahnhoff Sao’ern an de Bahnlien Hamborg–Bremen.

Scholen

De Grundschölers ut Suurheid gaht na de Grundschool Hu’e. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.

Lüüd

De Maler Rudolf Franz Hartogh hett in Suurheid leevt un is dor 1960 doodbleven.