Warstoder Sietwenn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 42′ N, 9° 10′ O53° 42′ N, 9° 10′ O | |
|
| ||
De Warstoder Sietwenn (hoochdüütsch Warstader Sietwende) is en lütten Oort in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort höört polietsch al von öllers bi Warstood mit bi.
Geografie ännern
De Warstoder Sietwenn liggt an de Oost. De Sietwenn billt de Grenz von Warstood na Basbeek.
De Naveröörd sünd de Oostener Diekreeg in’n Noorden, Oosten in’n Oosten, Sethlerhemm un Basbeek in’n Süüdoosten, Warstood in’n Süüdwesten, Hemmoor in’n Westen un Swartenhütten, Hemm un Achthöbener Diek in’n Noordwesten.
Historie ännern
1756 hett Johann Knixenbarg op de Warstoder Sietwenn Joachim Rückleben ümbrocht. Dorför is he an’n 11. März 1757 op de Warstoder Richtsteed ünner’t Sweert storven. Dat weer de letzte Person, de in Warstood de Doodsstraaf lieden müss.
Verwaltungsgeschicht ännern
De Oort hett vör 1859 to dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort is an’n 1. Juli 1968 as Deel von de Gemeen Warstood an de Gemeen Hemmoor kamen.
Inwahnertall ännern
| Johr | Inwahners |
|---|---|
| 1848[1] | 10 Lüüd, 2 Hüüs |
| 1. Dezember 1885[2] | 12 Lüüd, 2 Hüüs |
| 1. Dezember 1905[3] | 3 Lüüd, 1 Huus |
Religion ännern
De Warstoder Sietwenn is evangeelsch-luthersch präägt un höört to dat Kaspel von de Christus-Kark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur ännern
De Freewillige Füürwehr Warstood is för de Sietwenn mit tostännig.
Verkehr ännern
De Warstoder Sietwenn liggt an en Blangenstraat von de Bundsstraat 73, an de Steed, an de de Bundsstraat 495 de B 73 krüüzt. De B 63 geiht in’n Noordwesten över Kumbarg un Neehuus na Oterndörp un Cuxhoben un in’n Süüdoosten över Heckthusen un Himmelpoorten na Stood. De B 495 geiht in’n Noordoosten na Wischhoben un in’n Süüdwesten över Loomst na Bremervöör.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 29 Kilometer in’n Süüdoosten von de Warstoder Sietwenn.
De nächste Bahnhoff is so bi twee Kilometer wied weg in’n Süüdwesten de Bahnhoff Hemmoor an de Nedderelvbahn von Cuxhoben na Hamborg.
Footnoten ännern
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128