Weusthoff
Dit Woort hett noch annere Bedüden: kiek dorför ünner Friedrich Ludwig Weusthoff.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29614 | |
| Vörwahl: | 05191 | |
| Geograafsche Laag: | Koordinaten:52° 57′ N, 9° 47′ O52° 57′ N, 9° 47′ O | |
|
| ||
Weusthoff (hoochdüütsch Wüsthof) is en lütten Oort in de Gemeen Soltau in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Mittelstenderp.
Geografie ännern
De Oort liggt in de Lümbörger Heid. Dat Water ut dat Rebeed flütt över lüttjere Beken na de Jett un wieder in de Böhm.
De Naveröörd sünd Lüttenholt un Wittenkamp in’n Noorden, Willern in’n Noordoosten, Nodderp un Mittelstenderp in’n Oosten, Jettbrauk in’n Süüdoosten, Mengbossel in’n Süden, Riep un Avenriep in’n Süüdwesten, Meinen in’n Westen un Grootenholt in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Teinderp in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.
De Oort hett vör 1852 to de Vaagdie Soltau von de Amtsvaagdie Fambossel-Soltau tohöört un na 1852 to dat Amt Soltau. Na 1885 is ut dat Amt de Kreis Soltau worrn. An’n 1. Oktober 1932 is de Kreis mit’n Kreis Fambossel tohoopleggt worrn, wat aver al to’n 1. Oktober 1933 wedder trüggännert worrn is. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.
De Oort hett von öllers bi de Buurschop un later de Gemeen Mittelstenderp mit bihöört, de an’n 1. März 1974 mit de Gemeenreform in Neddersassen Deel von de Gemeen Soltau worrn is. Sietdem höört de Oort to de Oortschop Mittelstenderp, de en egen Oortsvörsteiher hett.
Inwahnertall ännern
| Johr | Inwahners |
|---|---|
| 1791[1] | 1 Füürsteed |
| 1812[2] | 11 |
| 1848[3] | 14 Lüüd, 2 Hüüs |
| 1. Dezember 1871[4] | 24 Lüüd, 3 Hüüs |
| 1. Dezember 1885[5] | 31 Lüüd, 4 Hüüs |
| 1. Dezember 1905[6] | 27 Lüüd, 4 Hüüs |
Religion ännern
Weusthoff is evangeelsch-luthersch präägt un höört to dat Kaspel von de Johannis-Kark in Soltau.
För de Kathoolschen is de St.-Maria-Kark in Soltau tostännig.
Weertschop un Infrastruktur ännern
För Weusthoff is de freewillige Füürwehr Mittelstenderp mit tostännig.
Bi Weusthoff staht twee Windrääd.
Verkehr ännern
Von Weusthoff föhrt en lüttjere Straat na de Landsstraat 163, de in’n Noordoosten na Soltau an de Bundsstraat 71 geiht un in’n Süüdwesten na Derpmark un Fambossel. Von Weusthoff loopt ok Weeg na Meinen un Willern an de Kreisstraat 14.
De nächste Autobahn is de Autobahn 7 (Afsnidd Hamborg–Hannover). De Opfohrt 46 Derpmark liggt so acht Kilometer in’n Süden von Weusthoff.
De nächste Bahnhoff is so bi söss Kilometer wied weg in’n Noordoosten de Bahnhoff Soltau an de Heidbahn.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 111
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154