Horß is en Oort un Gemeen in de Samtgemeen Söttmer in’n Landkreis Rodenborg (Wümm) in Neddersassen. Se hett 1279 Inwahners (Stand 31. Dezember 2022). De Gemeen ümfaat de veer Oortsdelen Horß, Clünder, Stoapel un Winkeldörp.

Wapen/Flagg Koort

Wapen vun Horß

Horß
Laag vun Horß in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Söttmer
Flach: 22,49 km²
Inwahners: 1279 (31. Dezember 2022)
Hööchd: 31 m över de See
Postleettall: 27367
Vörwahl: 04288
Geograafsche Laag:
Koordinaten:53° 11′ N, 9° 14′ O
53° 11′ N, 9° 14′ O
Grenzen bi OSM: 965595 965595
Gemeenslötel: 03 3 57 028
Öörd in de Gemeen: 4
Börgermeester: Heinz Dieter Gebers (SPD)
Websteed: www.sottrum.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Horß in’n Landkreis Rodenborg (Koort lett sik anklicken)

Geografie ännern

De Gemeen Horß liggt in Westen vun’n Landkreis. Dor grenzt se an de Gemeen Otterbarg , de to’n Landkreis Veern höört. In’n Süüden grenzt Horß an de Gemeen Reeßen un in’n Oosten an de Eenheitsgemeen Rodenborg (Wümm). Na Noordoosten liggt de Gemeen Jeem, un na Noorden un Noordwesten to finnt sik de Gemenen Büls un Vörwark.

Geologie ännern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie ännern

In de Feldmark Horß laat sik Sporen vun Wahnsteden ut vörhistoorsche Tiet nawiesen. In’n nöördlichen Deel vun’t Rebeet sünd Funnen ut de middleren Steentiet maakt worrn. Koppels vun Bultengräver in’n Westen u n Süüden vun’t Dörp düüdt op twee oder dree Wahnsteden in de Jungsteentiet un in de Bronzetiet hen. Ut de Tiet twüschen 1000 bit 700 v. Chr. sünd Urnengräver opfunnen worrn.

Dat Dörp mutt sien Anfang to de Tiet vun Karl den Groten hatt hebben. Dat hebbt Funnen wiest, de 1963 bi’n Hoff Sackmann un bi’n Bo vun de Kark maakt worrn sünd. Schören vun Toonfatten sünd op de Tiet vun’t 9. bit 10. Johrhunnert dateert worrn. Man, dat gifft keen Nawies, dat de Oort vun’t Middelöller bi in de Neetiet ahn Ünnerbreken bewahnt weer. Dat „Jordebook“ vertekent 1694 dat Dörp Horst in de Vogtei Söttmer.

Politik ännern

Gemeenraat ännern

De Gemeenraat vun Horß sett sik ut ölven Liddmaten tosamen. Siet de letzten Kommunalwahl 2016 sünd de Sitten as folgt verdeelt:

Partei 2016 2011 2006
CDU 4 4 4
SPD 4 5 6
Bündnis 90/De Grönen 1 1 1
WFB 2
WG 1

De Börgermeester is Heinz Dieter Gebers. Sien beiden Stellvertreders sünd Hans-Hermann Windler un Thorsten Wahlers. All dree höört to de SPD.

Wapen ännern

Dat Wapen vun Horß stellt en tohopenleggen vun de dree Oortwapens vun Horß, Stoapel un Winkeldörp dor. Dat Wapenschild is grön un hett en goldene Spitz, de na baven wiest. Dor binnen is en neetietliche Kark in Sietenansicht to sehn mit’n sülvern Klockentoorn un opsetten Wederhahn op de rechten Fast. Links wiest de Kark ’n roden Rundbagenanbo mit anstiegen Schraagdack. De vördere Schildeck warrt vun en goldenen afstütt’n Holtstapel innahmen, achtern is en na rechts wennten goldenen Holtwinkel to sehn.

Kultur ännern

Bildung ännern

In Horß gifft dat en Grundschool un en Kinnergoorn. Butendem giftt dat in Horß ok en Steed vun de Samtgemeenbökeree, de tweemol in de Week apen hett.

Vereenswesen ännern

Verenen hett de Gemeen in gröttere Tall. So gifft dat in Horß, Stoapel un Winkeldörp egene Oortsverenen vun de Freewiliigen Füerwehr un in Horß ok en Oortsvereen vun’t Düütsche Rode Krüüz. Op sportlich Rebeet gifft dat den SV Horß un den Danskreis Winkeldörp as ok twee Schüttenverenen in Winkeldörp un Horß. Butendem kann man sik in’n Naturschuulvereen oder in’n Heimatvereen, beid in Horß, oder in Landweertschopplichen Vereen in Stoapel un wietere inbringen.

Verkehr ännern

Dör dat Gemeenrebeet löppt de A 1, man en egen Anslussteed hett Horß nich, de neegste is de Opfohrt 49 Bokel in de Gemeen Jeem. Ok de neegste Bundsstraat, de B 71, liggt in de Navergemeen. Dör de Gemeen sülvst verlöpt de K 201, de Winkeldörp mit Horß verbinnt un wieter na Süüden na Taaken föhrt. In Winkeldörp münnt se an de K 112, de in’n Oosten över Narbn na Bokel föhrt. In’n Westen krüüzt se de L 132 und löppt wieter na Büls.

Weblenken ännern

  Horß. Mehr Biller, Videos oder Audiodateien to’t Thema gifft dat bi Wikimedia Commons.