Ölkershusen

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Sürsen Gemeen: Annerlingen
Inwahners:
Postleettall:	27446
Vörwahl:	04284
Geograafsche Laag:	53° 24′ N, 9° 16′ O

Ölkershusen (hoochdüütsch Oelkershusen) is en lütten Oort in de Gemeen Annerlingen (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Ohrel mit bi.

Geografie

Ölkershusen liggt an dat rechte Över von’n Duxbeek.

De Naveröörd sünd Malst in’n Noorden, Ohrel in’n Oosten, Winnershusen in’n Süüdoosten, Rohr un de Hoff Rugenbarg in’n Süüdwesten un Deins in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.

De Oort is an’n 1. März 1974 as Deel von de Gemeen Ohrel mit de Gemeenreform in Neddersassen an de Gemeen Annerlingen kamen.

Inwahnertall

Johr	Inwahners
1793-00-001793	1 Füürsteed
1824-00-001824	1 Füürsteed
1848-00-001848	17 Lüüd, 3 Hüüs
1871-12-011. Dezember 1871	26 Lüüd, 4 Hüüs

Religion

Ölkershusen is evangeelsch-luthersch präägt un höört to dat Kaspel von de St.-Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

Von Ölkershusen loopt lüttjere Straten na de Kreisstraten 108 un 118. De K 108 geiht in’n Noordoosten na Malst un Byhusen un in’n Westen na Deins un an de Bundsstraat 71. De K 118 löppt in’n Noorden an de K 122 na Farm un in’n Süüdwesten na Sürsen an de B 71. Von de K 118 in Ohrel geiht de K 110 na Annerlingen af.

De nächste Autobahn is de Autobahn 1 (Afsnidd Hamborg–Bremen). De Opfohrten 48 Elsdörp un 47 Zittens doot so 25 Kilometer in’n Süüdoosten von Ölkershusen liggen.

De nächste Bahnhoff is so bi ölven Kilometer wied weg in’n Noordoosten de Bahnhoff Kutenhult an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Sürsen söss Kilometer in’n Süüdwesten. Dor hett dat von 1890 bet 1968 Personenverkehr geven.