Clünner
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27367 | |
| Vörwahl: | 04288 | |
| Geograafsche Laag: | Koordinaten:53° 11′ N, 9° 16′ O53° 11′ N, 9° 16′ O | |
|
| ||
Clünner (hoochdüütsch Clünder) is en lütten Oort in de Gemeen Horß (Samtgemeen Söttmer) in’n Landkreis Rodenborg, Neddersassen.
Geografie
ännernDat Water ut dat Rebeed flütt över’n Clünnersbeek na de Wiest hen af.
De Naveröörd sünd Bokel in’n Noordoosten, Mulmshoorn in’n Oosten, Höperhöben in’n Süüdoosten, Sleßel in’n Süden, Bittst in’n Süüdwesten, Horß in’n Westen un Narbn in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie Otterbarg in dat Amt Otterbarg tohöört un denn von 1859 bet 1885 to dat Amt Rodenborg. Na 1885 weer dat in’n Kreis Rodenborg, de 1977 mit’n Landkreis Bremervöör tohoopgahn is un den hüdigen Landkreis Rodenborg billt hett.
De Oort hett von öllers to Horß tohöört. De Gemeen Horß is an’n 1. März 1974 mit de Gemeenreform in Neddersassen noch düüdlich grötter worrn.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1812[2] | 20 |
| 1824[3] | 2 Füürsteden |
| 1. Dezember 1871[4] | 23 Lüüd, 4 Hüüs |
| 1. Dezember 1885[5] | 30 Lüüd, 5 Hüüs |
| 1. Dezember 1905[6] | 33 Lüüd, 5 Hüüs |
Religion
ännernClünner is evangeelsch-luthersch präägt un höört to dat Kaspel von de Johannes-de-Döper-Kark in Horß. Düsse Kark is 1963 boot un 1989 as Karkengemeen egenstännig worrn. Vörher hett Clünner to dat Kaspel von de Georg-Kark in Söttmer höört.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
ännernFör Clünner is de freewillige Füürwehr Horß mit tostännig.
Verkehr
ännernDör Clünner löppt de Kreisstraat 227, de in’n Westen in Horß in de K 201 münnt un in’n Oosten na Mulmshoorn an de Bundsstraat 71 ran föhrt. De K 201 löppt von Horß in’n Noorden na Winkeldörp un in’n Süden över Taaken na Söttmer. De B 71 geiht in’n Noorden över Bokel, Wehldörp un Brüttendörp na Zeven un in’n Süüdoosten na Rodenborg.
De nächste Autobahn is de Autobahn 1 (Afsnidd Hamborg–Bremen), de blots poor hunnert Meter in’n Noordwesten von Clünner langslöppt. De Opfohrt 49 Bokel liggt so dree Kilometer in’n Noordoosten von Clünner an de B 71.
De nächste Bahnhoff is so bi twölv Kilometer wied weg in’n Süüdoosten de Bahnhoff Rodenborg an de Bahnlien Hamborg–Bremen. Von 1906 bet 1968 hett dat ok Personenverkehr op de Bahnlien Bremervöör–Wasra geven. De nächste Bahnhoff weer in disse Tied dree Kilometer in’n Süüdoosten in Mulmshoorn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 48
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 116
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151
