Godshem
Godshem (hoochdüütsch Odisheim) is en Dörp un Gemeen in’n Landkreis Cuxhoben, Neddersassen, mit 479 Inwahners (Stand 31. Dezember 2023). De Oort Godshem deelt sik op in dat Noorderenn, dat Süderenn un dat Karkdörp. Ans gifft dat noch den lüttjere Oortsdeel An’n See.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 13,5 km² | |
| Inwahners: | 479 (31. Dezember 2023) | |
| Hööchd: | 2 m över de See | |
| Postleettall: | 21775 | |
| Vörwahl: | 04756 | |
| Geograafsche Laag: | Koordinaten:53° 42′ N, 8° 56′ O53° 42′ N, 8° 56′ O | |
| Grenzen bi OSM: | 1526888 
| |
| Gemeenslötel: | 03 3 52 043 | |
| Öörd in de Gemeen: | 1 | |
| Börgermeester: | Stefan Skowron (CDU) | |
| Websteed: | www.sietland.de | |
|
Koort Kreis 
 | ||
Geografie
ännernVon Godshem na Oosten to liggt de Balksee.
De Naveröörd sünd dat Süderenn von Bülkau, Oppeln un Boomoor in’n Noordoosten, Eekhoffsbarg, Sankt Joost un Stinst in’n Süüdoosten, Ooldbachenbrook in’n Süden, dat Süderenn von Steenau in’n Süüdwesten, dat Noorderenn von Steenau un Mehmstood in’n Westen un Mislag un Helmworth in’n Noordwesten.
Navergemenen sünd Bülkau in’n Noordoosten, Stinst in’n Süüdoosten, Steenau in’n Süüdwesten un Helmworth in’n Noordwesten.
Historie
ännernGodshem kummt 1325 toeerst in de Oorkunnen vör.
De Oort weer vör 1885 Deel von dat Amt Oterndörp un weer denn in’n Kreis Hadeln. 1932 is dat an’n Landkreis Land Hadeln kamen un 1977 denn Deel von’n Landkreis Cuxhoben worrn.
In’n Eersten Weltkrieg sünd 29 Soldaten ut Godshem fullen oder vermisst un in’n Tweten 83[1].
Inwahnertall
ännern| Johr | Inwahners |
|---|---|
| 1824[2] | 138 Füürsteden |
| 1848[3] | 729 Lüüd, 153 Hüüs |
| 1858[4] | 736 |
| 1. Dezember 1910[5] | 906 |
| 1925[6] | 874 |
| 1933[6] | 828 |
| 1939[6] | 776 |
| 31. Dezember 1987[7] | 600 |
| 31. Dezember 1992[7] | 583 |
| 31. Dezember 1997[7] | 613 |
| 31. Dezember 2002[7] | 607 |
| 31. Dezember 2007[7] | 590 |
| 31. Dezember 2011[7] | 554 |
Religion
ännern
Godshem is evangeelsch-luthersch präägt un billt mit de Joost-Kark en egen Kaspel.
För de Kathoolschen is de Hillig-Krüüz-Kark in Oterndörp tostännig.
Wapen
ännernDat Wapen von Godshem wiest baven op blauen Grund twee sülvern Pielkruudbläder un ünnen op sülvern Grund een blau Pielkruudbladd. De twee Feller sünd dör en Band von twee Regen ümschichtig blau un sülvern Rechtecken deelt.
Politik
ännernGemeenraad
ännern| Johr \ Partei | Tall | CDU | ahn Partei |
|---|---|---|---|
| 2001 | 9 | 3 | 6 |
| 2011 | 9 | 9 | |
| 2016 | 7 | 7 |
- Liddmaten
- 2016:
- CDU: Arno Heß, Patrick Plate, Hendrik Schröder, Stefan Skowron, Uwe Söhl, Anke Steffens, Arabell Stolter
Börgermeesters
ännern| Zeit | Börgermeester | Partei |
|---|---|---|
| –2011 | Erich Janssen | CDU |
| 2011– | Stefan Skowron | CDU |
Kultur
ännernIn Godshem steiht en Denkmaal för de Fullenen ut de twee Weltkrieg’.
Verenen
ännernGodshem hett en Schützenvereen, de 1906 grünnt worrn is, un en egen Freewillige Füürwehr. De Turn- un Sportvereen is von 1957.
Weertschop un Infrastruktur
ännernVerkehr
ännernDe Oort liggt an de Landsstraat 144, de in’n Noordoosten na Bülkau, Kedenbrook un in Neehuus an de Bundsstraat 73 ran löppt. In’n Süüdwesten geiht de L 144 na Steenau un an de L 117 ran. In’n Noordwesten geiht de K 20 över Mislag na Helmworth an de L 117 un na Süüdoosten löppt de K 34 över Sankt Joost, Stinst un Mittelsnohn na de L 116.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 4 Niewohl liggt so 23 Kilometer in’n Westen von Godshem an de L 119.
Dör de Gemeen löppt ok de Haadler Kanaal.
De nächste Bahnhoff is de Bahnhoff Kumbarg an de Nedderelvbahn.
Lüüd
ännernDe Schriever Helmut Salzinger hett in de letzen Johren von sien Leven op en Hoff in Godshem leevt, den he Head Farm nömen dee. De Ünnernehmer Georg Rieper liggt in Godshem begraven.
Footnoten
ännern- ↑ http://www.denkmalprojekt.org/dkm_deutschland/odisheim.htm
- ↑ C. H. Jansen: Statistisches Handbuch des Königreichs Hannover. 1824, Sied 454: http://books.google.de/books?id=tG0AAAAAcAAJ&pg=PA454
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 157: http://books.google.de/books?id=eOI-AAAAcAAJ&pg=PA157
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 422: http://books.google.de/books?id=ZkoNAQAAIAAJ&pg=PA422
- ↑ http://www.gemeindeverzeichnis.de/gem1900/gem1900.htm?hannover/hadeln.htm
- ↑ a b c http://www.verwaltungsgeschichte.de/hadeln.html
- ↑ a b c d e f http://www.nls.niedersachsen.de LSKN-Online
Weblenken
ännern
- Websteed von de Samtgemeen (hoochdüütsch)
Armsdörp | Belen | Bevers | Bülkau | Cuxhoben | Geestland | Godshem | Hagen | Heckthusen | Helmworth | Hemmoor | Hollnseth | Kumbarg | Lee | Loomst | Lox | Mittelsnohn | Neehuus | Neenkarken | Öberndörp | Oosten | Oosterbrook | Oterndörp | Schippdörp | Steenau | Stinst | Wannen | Wingst | Wuster Noordseeküst