Hasselhoff (Gemeen Snevern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05193 | |
| Geograafsche Laag: | Koordinaten:53° 6′ N, 9° 46′ O53° 6′ N, 9° 46′ O | |
|
| ||
Hasselhoff (hoochdüütsch Hasselhof) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Schüllern.
Geografie
ännernDe Oort liggt in de Lümbörger Heid dicht bi de Veers.
De Naveröörd sünd Snevern un de fröhere Meyerhoff in’n Noordoosten, Gallhoorn un Stimbeck in’n Oosten, Dannhost un Wieckhost in’n Süüdoosten, Schüllern un Schüllernbrookhoff in’n Süüdwesten, Vöden in’n Westen un Zoarn in’n Noordwesten.
Historie
ännernVerwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Snevern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.
De Oort hett vör 1852 to de Amtsvaagdie Snevern in dat Amt Rodenborg tohöört, von 1852 bet 1859 to dat Amt Snevern un denn von 1859 bet 1885 to dat Amt Soltau. Na 1885 weer dat in’n Kreis Soltau/Landkreis Soltau, de 1977 mit’n Landkreis Fambossel to’n Landkreis Soltau-Fambossel tohoopgahn is. De wedder hett 2011 den Naam Landkreis Heidkreis annahmen.
De Oort höört al von öllers to de Buurschop un later de Gemeen Schüllern to. De Gemeen Schüllern is an’n 1. März 1974 mit de Gemeenreform in Neddersassen Deel von de Gemeen Snevern worrn. Sietdem höört de Oort to de Oortschop Schüllern, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1812[2] | 24 |
| 1824[3] | 4 Füürsteden |
| 1848[4] | 29 Lüüd, 4 Hüüs |
| 1. Dezember 1871[5] | 15 Lüüd, 3 Hüüs |
| 1. Dezember 1885[6] | 17 Lüüd, 2 Hüüs |
| 1. Dezember 1905[7] | 8 Lüüd, 2 Hüüs |
Religion
ännernHasselhoff is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur
ännernFör Hasselhoff is de freewillige Füürwehr Schüllern mit tostännig.
Verkehr
ännernVon Hasselhoff kummt een gau na de Landsstraat 171, de in’n Noordoosten na Snevern geiht un in’n Süüdwesten över Schüllern un Sprengel na Neenkerken.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 15 Kilometer in’n Oosten von Hasselhoff an de B 3.
De nächste Bahnhoff is so bi dree Kilometer wied weg in’n Noordoosten de Bahnhoff Snevern an de Heidbahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 98
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 250
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
