Schüllernbrookhoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05193 | |
| Geograafsche Laag: | Koordinaten:53° 5′ N, 9° 45′ O53° 5′ N, 9° 45′ O | |
|
| ||
Schüllernbrookhoff (hoochdüütsch Schülernbrockhof) is en Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Schüllern.
Geografie
ännernDe Oort liggt in de Lümbörger Heid. Dat Water ut dat Rebeed flütt över Liester Beek un Kröpelbeek na de Veers hen af.
De Naveröörd sünd Zoarn un Snevern mit Vöden, Hasselhoff un Stimbeck in’n Noordoosten, Schüllern in’n Süüdoosten, Königshoff, Sprengel un Liest in’n Süüdwesten un Lünzen un Lünzenbrookhoff in’n Noordwesten.
Historie
ännernVerwaltungsgeschicht
ännernDe Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort höört von öllers bi de Gemeen Schüllern mit bi, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört de Oort to de Oortschop Schüllern, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1824[2] | 7 Füürsteden |
| 1848[3] | 54 Lüüd, 10 Hüüs |
| 1. Dezember 1871[4] | 48 Lüüd, 11 Hüüs |
| 1. Dezember 1885[5] | 54 Lüüd, 11 Hüüs |
Religion
ännernSchüllernbrookhoff is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur
ännernFör Schüllernbrookhoff is de freewillige Füürwehr Schüllern mit tostännig.
Verkehr
ännernAn Schüllernbrookhoff löppt de Kreisstraat 21 langs, de in’n Süüdwesten över Liest un Schworgen na Täwel an de Bundsstraat 71 ran geiht un in’n Süüdoosten na Schüllern an de Landsstraat 171. De L 171 wedder föhrt in’n Noordoosten na Snevern un in’n Süüdwesten na Neenkerken an de B 71 un wieder na Visselhöövd.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 16 Kilometer in’n Oosten von Schüllernbrookhoff an de B 3.
De nächste Bahnhoff is so bi fiev Kilometer wied weg in’n Noordoosten de Bahnhoff Snevern an de Heidbahn.
Scholen
ännernDe Kinner gaht na de Grundschool Lünzen. Fröher sünd se in in Schüllern na de Volksschool gahn.
Lüüd
ännernDe Politiker Gustav Bosselmann is 1915 in Schüllernbrookhoff boren.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 205
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 548
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103