Hollenerkamp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04748 | |
| Geograafsche Laag: | Koordinaten:53° 25′ N, 8° 44′ O53° 25′ N, 8° 44′ O | |
|
| ||
Hollenerkamp (hoochdüütsch Hollenerkamp) is en Oort in de Gemeen Beverst in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Hollen.
Geografie
ännernDe Oort liggt op de Hollener Geestinsel in en Rebeed, dat von Moor präägt is. Hollenerkamp liggt dicht bi de Luun.
De Naveröörd sünd Freeschluunbarg un Westerbeverst in’n Noorden, Deelbrügg in’n Noordoosten, Huh un Stubben in’n Oosten, Bokel in’n Süüdoosten, Langenfeld in’n Süden, Heis in’n Süüdwesten un Hollen in’n Noordwesten.
Historie
ännernVerwaltungsgeschicht
ännernDe Oort hett vör 1885 to de Böörd Braamst von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort hett al jümmer bi de Gemeen Hollen mit bihöört, de an’n 1. März 1974 bi de Gemeenreform in Neddersassen mit Heis to de ne’e Gemeen Hollen tohoopgahn is. Hollen weer von 1971 bet 2010 Maat von de Samtgemeen Beverst. To’n 1. Januar 2011 hebbt sik de Gemenen von de Samtgemeen Beverst to en Eenheitsgemeen tohoopslaten. Dorbi is de vörherige Gemeen Hollen binnen de Gemeen Beverst to en Oortschop worrn, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1. Dezember 1905[1] | 47 Lüüd, 7 Hüüs |
Religion
ännernHollenerkamp is evangeelsch-luthersch präägt un höört to dat Kaspel von de Ansgari-Kark in Freeschluunbarg. De Kark is 1966 boot un 1987 egenstännige Karkengemeen worrn. Vörher hett de Oort to dat Kaspel von de Jacobi-Kark in Braamst tohöört.
För de Kathoolschen is siet 1965 de Sankt-Johannes-de-Döper-Kark in Lox tostännig. Vörher weer de Sankt-Nikolaus-Kark in Wulsdörp tostännig.
Weertschop un Infrastruktur
ännernFör Hollenerkamp is de freewillige Füürwehr Hollen mit tostännig.
Verkehr
ännernDe lüttje Straat dör Hollenerkamp löppt in’n Noordwesten na de Kreisstraat 45 un in’n Süüdoosten na Bokel an de Landsstraat 134. De K 45 föhrt in’n Süüdwesten över Hollen, Heis un Wittst na de L 135 un in’n Noordoosten över Freeschluunbarg na Heerst an de Bundsstraat 71. De L 134 föhrt von Bokel in’n Noordoosten över Stubben na Beverst an de B 71 un in’n Süüdwesten över Kraansmoor un Braamst na Hagen un Uthleer.
De nächste Autobahn is de Autobahn 27 (Afsnidd Bremen–Bremerhoben). De Opfohrten 12 Hagen, 11 Stotel, 10 Bremerhoben-Süüd un 9 Wulsdörp sünd all so bi 16 Kilometer von Hollenerkamp weg.
De nächsten Bahnhööv doot so bi veer Kilometer wied weg an de Bahnlien Bremen–Bremerhoben liggen: de Bahnhoff Luunst in’n Noorden un de Bahnhoff Stubben in’n Süüdoosten.
Footnoten
ännern- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
