Wittst
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 24′ N, 8° 40′ O53° 24′ N, 8° 40′ O | |
|
| ||
Wittst (hoochdüütsch Wittstedt) is en Dörp in de Gemeen Hagen in’n Landkreis Cuxhoben, Neddersassen. Dat höört binnen de Gemeen Hagen to de polietsche Oortschop Braamst.
Geografie
ännernWittst liggt op de Oosterholter Geest dicht bi de Gackau.
De Naveröörd sünd Sühn un Hollen in’n Noordoosten, Heis in’n Oosten, Gackau un Kraansmoor in’n Süüdoosten, Braamst un Bössen in’n Süden, Hagen, Kassbrook, Driftseet un Dannendörp in’n Süüdwesten, Langendammsmoor un Swegen in’n Westen un Hahnenknopermoor, Hahneknoop un Drostendamm in’n Noordwesten.
Historie
ännernTo de öllsten Funnen ut dat Rebeed von Wittst höört dat Grootsteengraff Wittst ut de Jungsteentied.
Wittst kummt 1105 toeerst in en Oorkunn von’n Bremer Arzbischop Friedrich I. vör.[1]
In’n Eersten Weltkrieg sünd 12 Soldaten ut Wittst fullen oder vermisst un in’n Tweten Weltkrieg 32.[2]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort is an’n 1. März 1974 mit de Gemeenreform in Neddersassen Deel von de Gemeen Braamst (Samtgemeen Hagen) worrn. Braamst wedder is an’n 1. Januar 2014 Deel von de Gemeen Hagen worrn. Sietdem höört de Oort to de Oortschop Braamst, de en egen Oortsraad un Oortsbörgermeester hett.
Inwahnertall
ännern| Johr | Inwahners |
|---|---|
| 1793[3] | 19 Füürsteden |
| 1812[4] | 111 |
| 1824[5] | 19 Füürsteden |
| 1848[6] | 146 Lüüd, 19 Hüüs |
| 1. Dezember 1871[7] | 160 Lüüd, 22 Hüüs |
| 1. Dezember 1910[8] | 251 |
| 1925[9] | 241 |
| 1933[9] | 252 |
| 1939[9] | 232 |
Religion
ännernWittst is evangeelsch-luthersch präägt un höört to dat Kaspel von de Jacobi-Kark in Braamst.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
Wittst hett en egen Karkhoff an’n Driftsether Weg.
Wapen
ännernDat Wapen von Wittst wiest baven op blauen Grund acht gollen Steerns un ünnen op roden Grund twee krüüzte sülvern Slötels.
De Steerns staht för de acht olen Hööv, de dat fröher in Wittst geven hett un de Slötels för dat Arzstift Bremen, to dat de Oort fröher höört hett.
Kultur
ännernEn Denkmaal för de Fullenen ut de twee Weltkrieg’ steiht op’n Karkhoff.
Verenen
ännernWittst hett en egene freewillige Füürwehr, de 1878 grünnt worrn is, un en Schüttenvereen von 1925.
Weertschop un Infrastruktur
ännernVerkehr
ännernDör Wittst löppt de Kreisstraat 45, de in’n Noordoosten över Heis, Hollen un Freeschluunbarg na Heerst an de Bundsstraat 71 ran geiht un in’n Westen an de Landsstraat 135 ran. In’n Süden gifft dat ans ok noch en lüttjere Straat na Braamst.
De nächste Autobahn is de Autobahn 27. De Opfohrt 12 Hagen liggt so negen Kilometer in’n Süüdwesten von Wittst.
De nächste Bahnhoff is so bi söven Kilometer wied weg in’n Noordoosten de Bahnhoff Luunst an de Bahnlien Bremen–Bremerhoben.
Scholen
ännernDe ole Volksschool in Wittst hett 1977 dichtmaakt.[10] Vondaag gaht de Kinner op de Grundschool an de Staleke in Hagen. Nadem se mit de Grundschool dör sünd, gaht se in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.
Literatur
ännern- Wittstedt, ein Dorf im Wandel der Zeit: Die ersten acht Höfe und weitere historische Aufnahmen. 2000
Footnoten
ännern- ↑ Carsten Boos: Kurhannoversche Landesaufnahme des 18. Jahrhunderts: Kassebruch. Erläuterungen zum Blatt 20 Kassebruch. Neddersassisch Landsverwaltungdamt, 1992, Sied 3
- ↑ Onlineprojekt Gefallenendenkmäler
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 254: https://books.google.de/books?id=jN5QAAAAcAAJ&pg=PA254
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
- ↑ C. H. Jansen: Statistisches Handbuch des Königreichs Hannover. 1824, Sied 676: http://books.google.de/books?id=tG0AAAAAcAAJ&pg=PA676
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154: https://books.google.de/books?id=qTZDAQAAMAAJ&pg=RA2-PA154
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
- ↑ Die Geschichte der Hermann-Allmers-Schule
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)