Clüverdamm

Oort in’n Landkreis Veern, Neddersassen
(wiederwiest vun Klüverdamm)
Wapen/Flagg Koort
hett keen Wapen
Clüverdamm
Laag vun Clüverdamm in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04207
Geograafsche Laag:
Koordinaten:53° 5′ N, 8° 59′ O
53° 5′ N, 8° 59′ O

Karte

Clüverdamm (hoochdüütsch Clüverdamm) is en lütten Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietsche Oortschop Sao’ern.

Geografie ännern

De Oort liggt in dat Königsmoor. Dat Water ut dat Rebeed warrt över Gravens na’n Süüdarm von de Wümm hen afföhrt. Na Noorden to liggt dat Naturschuulrebeed Hu’er Wümmdaal.

De Naveröörd sünd Ebbensiek in’n Noorden, Hu’e un Baaksbarg in’n Noordoosten, Sao’ern in’n Oosten, Meyerdamm in’n Süden, de Bremer Oortsdeel Tenever in’n Süüdwesten un de Bremer Stadtdeel Överneeland in’n Westen.

Historie ännern

Clüverdamm is 1714 as Moorkolonie grünnt worrn un hett sien Naam von Alverich von Clüver, den Besitter von Good Sao’ern. He hett 1714 veer Hoffsteden an’n Weg na de Koh- un Peerweiden von sien Good anleggen laten.[1]

Verwaltungsgeschicht ännern

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1803 to dat Gericht Swachhusen tohöört. As dat Gericht 1803 oplööst un an Bremen fullen is, keem de Oort Clüverdamm an de Westvaagdie von dat Gogericht Achem. Dor hett de Oort tohöört bet dat Gogericht 1852 to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.

Meyerdamm un Clüverdamm hebbt in dat 19. Johrhunnert tohoop en Buurschop billt un later denn en Gemeen. Buurschop un Gemeen hebbt den Naam Meyer-Klüverdamm dragen. 1929 hett de Gemeen den Oort Clüverdamm an de Gemeen Sao’ern afgeven. De Gemeen Sao’ern is an’n 1. Januar 1963 Deel von de Gemeen Eiten worrn. Sietdem höört Clüverdamm binnen de Gemeen to de Oortschop Sao’ern.

Inwahnertall ännern

Johr Inwahners
1791-00-001791[2] 4 Füürsteden
1812-00-001812[3] 17
1824-00-001824[4] 4 Füürsteden
1848-00-001848[5] 26 Lüüd, 4 Hüüs
1871-12-011. Dezember 1871[6] 27 Lüüd, 4 Hüüs
1885-12-011. Dezember 1885[7] 18 Lüüd, 3 Hüüs
1905-12-011. Dezember 1905[8] 21 Lüüd, 3 Hüüs

Religion ännern

Clüverdamm is evangeelsch-luthersch präägt un höört to dat Kaspel von de Petri-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur ännern

För Clüverdamm is de freewillige Füürwehr Eiten mit tostännig.

Verkehr ännern

Clüverdamm is över lüttjere Straten anbunnen an de Landsstraat 168 in’n Süden bi Eiterdamm un an de Kreisstraat 2 in’n Oosten bi Sao’ern. De L 168 föhrt in’n Westen na de Bremer Stadtdelen Oosterholt un Hemeln un in’n Noordoosten över Eiten un Bassen na Otterbarg. De K 2 föhrt in’n Noordoosten na Hu’e un Quelkhoorn an de L 154. Von de L 168 in Eiten geiht in’n Süden na Achem de L 167 af.

De nächste Autobahn is de Autobahn 27 (Afsnidd BremenWasra). De Opfohrt 20 Vahr liggt so söss Kilometer in’n Westen von Clüverdamm. De Opfohrt 52 Eiten de Autobahn 1 (Afsnidd BremenHamborg) liggt söven Kilometer in’n Süüdoosten.

De nächsten Bahnhööv sünd an de Bahnlien Hamborg–Bremen, de direkt an Clüverdamm langs löppt. De Bahnhoff Överneeland in’n Westen un de Bahnhoff Sao’ern in’n Oosten doot all beid so dree bet veer Kilometer wied weg liggen.

Scholen ännern

De Kinner ut Clüverdamm gaht na de Grundschool Sao’ern. Ok ganz fröher al sünd de Kinner in Sao’ern na de Volksschool gahn.

Footnoten ännern

  1. Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 16
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 48
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 116
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3