Mairie Olendörp
De Mairie Olendörp weer in de Franzosentied (1810 bet 1813) een von de veer Mairien, in de de Kanton Himmelpoorten indeelt weer. De Seet weer in Olendörp. Se harr 2196 Inwahners.[1]
Historie
ännernDe Ümgegend von Olendörp hett vör de Franzosentied to dat Amt Himmelpoorten in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Olendörp een von de negen Mairien in’n Kanton Himmelpoorten von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Olendörp weer nu een von de veer Mairien in’n Kanton Himmelpoorten, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Olendörp, Burweg, Hogenoh, un Blomendol (all veer in’n Kanton Himmelpoorten) höört harrn. De Mairie Hogenoh is aver nich kumplett an de Mairie Olendörp gahn. De Oort Wiepenkathen is in de Mairie Stood wesselt.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd Deel von de Samtgemeen Olendörp-Himmelpoorten.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 65
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 8