Blomendol
Dit Woort hett noch annere Bedüden: kiek dorför ünner Blomendal.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 6,67 km² | |
| Inwahners: | 265 (1. Januar 2012) | |
| Inwahnerdicht: | 39,7 Inwahners pro km² | |
| Hööchd: | 2 m över NN | |
| Postleettall: | 21709 | |
| Vörwahl: | 04144 | |
| Geograafsche Laag: | Koordinaten:53° 37′ N, 9° 14′ O53° 37′ N, 9° 14′ O | |
|
| ||
Blomendol is en Dörp in de Gemeen Burweg in Landkreis Stood, Neddersassen. Dat liggt langs de Oost un hett 265 Inwahners.
Geografie
ännernBlomendol liggt twischen Kronenborg in’n Westen un Burweg un Bossel in’n Oosten. In’n Süden liggt Olendörp un in’n Noorden de Oost un op de anner siet Oost Heckthusen.
De Deel von Blomendol ganz in’n Noordoosten an de Kreisstraat 66 heet Stellbarg.
Dat Water ut de Maschen von Blomendol flütt över de Beek un dat Blomendoler Slüsenfleet rin’e Oost.
Historie
ännern2012 hebbt se in de Sandkuhl Blomendol so bi söven Meter ünner de Eerd de Sedimentresten von en olen See ut de Holsteen-Warmtied (üm un bi 325.000 Johr oold) funnen. De See warrt opstunns (Stand 2013) noch jümmer archäoloogsch ünnersöcht. Dor sünd ok ole Steenwarktüüg von Vörminschen bi vördaag kamen.
In Blomendol hett dat an de Oost an de Krooghörn fröher en Kroog un en Fähr geven, de aver utgangs dat 19. Johrhunnert ingahn sünd.
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Blomendol in’n Kanton Himmelpoorten höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Olendörp in’n Kanton Himmelpoorten.
En Deel von dat Dörp hett to’n Kloosterbezirk Himmelpoorten binnen dat Amt Himmelpoorten höört (Stand 1791 ölven Hüüs). De annere, gröttere Deel (Stand 1791 62 Hüüs) weer en Patrimonialgericht, in dat de Familie von Marschalck dat Seggen harr. Düt Gericht is 1813 oplööst worrn. Sietdem höört de ganze Oort to dat Amt Himmelpoorten. 1885 is de Oort denn Deel von’n Kreis Stood worrn un 1932 von’n hüdigen Landkreis Stood.
Siet de Gemeenreform in Neddersassen an’n 1. Juli 1972 höört Blomendol to de Gemeen Burweg.
Inwahnertall
ännern| Johr | Inwahners |
|---|---|
| 1791[1] | 73 Füürsteden |
| 1824[2] | 66 Füürsteden |
| 1848[3] | 324 Lüüd, 67 Hüüs |
| 1. Dezember 1871[4] | 371 Lüüd, 67 Hüüs |
| 1. Dezember 1885[5] | 338 Lüüd, 64 Hüüs |
| 1. Dezember 1905[6] | 296 Lüüd, 60 Hüüs |
| 1. Dezember 1910[7] | 299 |
| 1925[8] | 297 |
| 1933[8] | 258 |
| 1939[8] | 259 |
| 2005 | 284 |
| 1. Januar 2012[9] | 265 |
Religion
ännernBlomendol is evangeelsch-luthersch präägt un höört to dat Kaspel von de Petrus-Kark in Host.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Wapen
ännernDat Wapen von Blomendol wiest op grönen Grund en gollen Bloom över en sülvern Wellenlien.
Kultur
ännernDe Schützenvereen Blomendol is 1929 grünnt worrn un fiert sien Schützenfest an dat drüdde Wekenenn in’n Mai.
Weertschop un Infrastruktur
ännernBlomendol liggt an de Neddersassische Melkstraat.
De Oort hett en egene freewillige Füürwehr.
Verkehr
ännernBlomendol is en Stratendörp un liggt an de Kreisstraat 82. De K 82 münnt in de Kreisstraat 66, de denn na Burweg föhrt un an de Bundsstraat 73 rangeiht. Na Süden geiht de K 66 as Bosseler Straat na Bossel un Olendörp wieder. Ans gifft dat vun Blomendol ut blot noch en lüttjere Straat na Olendörp.
De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi söven Kilometer weg is.
Scholen
ännernDe Kinner gaht na dat Schoolzentrum Olendörp na Grund-, Haupt- un Realschool. Op Gymnasium gaht se na de Vincent-Lübeck-School in Stood.
Ver- un Entsorgung
ännernDat Afwater warrt nich zentral afföhrt, dat gifft Kleenklääranlagen för jeden Huusholt.[10]
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 26
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 64
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://www.samtgemeinde-oldendorf.de/burweg.html
- ↑ http://www.twv-staderland.de/de/aeo/gebiet.html
