Nindörpermoor (Gemeen Loomst)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21769 | |
| Vörwahl: | 04773 | |
| Geograafsche Laag: | Koordinaten:53° 37′ N, 9° 8′ O53° 37′ N, 9° 8′ O | |
|
| ||
Nindörpermoor (hoochdüütsch Nindorfermoor) is en Dörp in de Gemeen Loomst (Samtgemeen Loomst) in’n Landkreis Cuxhoben, Neddersassen.
Geografie ännern
De Oort liggt an’n Rand von de Loomster Geest hen na dat Moor un de Masch von de Oost. Dat Water ut dat Rebeed flütt över Gravens na de Oost hen af.
De Naveröörd sünd Seth un Lohmöhlen in’n Noordoosten, Kronenborg un Brobargen in’n Süüdoosten, Oostendörp un Isheim in’n Süden, Hollen un Armsdörp in’n Süüdwesten un Nindörp, Loomst un Lüttmöhlen in’n Noordwesten.
Historie ännern
Verwaltungsgeschicht ännern
Vör 1859 weer Nindörpermoor in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.
De Oort höört jümmer al to de Gemeen Nindörp mit to, de an’n 1. Juli 1972 dör de Gemeenreform in Neddersassen an de Gemeen Loomst kamen is.
Inwahnertall ännern
| Johr | Inwahners |
|---|---|
| 1. Dezember 1885[1] | 77 Lüüd, 18 Hüüs |
| 1. Dezember 1905[2] | 163 Lüüd, 26 Hüüs |
Religion ännern
Nindörpermoor is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur ännern
För Nindörpermoor is de freewillige Füürwehr Nindörp mit tostännig.
Verkehr ännern
Nindörpermoor is över lüttjere Straten verbunnen mit de Kreisstraat 32 un de Landsstraat 116. De L 116 föhrt in’n Oosten över Lohmöhlen un Klint na Heckthusen an de Bundsstraat 73 un in’n Westen över Loomst (dor anbunnen an de Bundsstraat 495) un Mittelsnohn na Beers. De B 73 wedder löppt in’n Süüdwesten na Stood. De K 32 geiht in’n Noorden na Loomst an de B 495 un in’n Süden na Hollen un Abbenseet. De B 495 föhrt in’n Süden över Armsdörp un Eversdörp na Bremervöör.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 30 Kilometer in’n Oosten von Nindörpermoor an de B 73.
De nächste Bahnhoff is so bi negen Kilometer wied weg in’n Noordoosten de Bahnhoff Heckthusen an de Nedderelvbahn twüschen Cuxhoben un Hamborg.
Footnoten ännern
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128