Gemeen Seevdaal

(wiederwiest vun Seevdaal)

Seevdaal (hoochdüütsch Seevetal) is een Gemeen in’n Landkreis Horborg in Neddersassen bi Hamborg. Se hett 42.449 Inwahners (Stand 31. Dezember 2022). Seet von de Verwaltung is Hittfeld.

Wapen/Flagg Koort

Wapen vun Seevdaal

Seevdaal
Laag vun Seevdaal in Düütschland
Basisdaten
Bundsland: Neddersassen
Landkreis: Horborg
Flach: 105,19 km²
Inwahners: 42.449 (31. Dezember 2022)
Hööchd: 67 m ünner de See
Postleettall: 21217–21220
Vörwahl: 040 , 04105, 04185
Geograafsche Laag:
Koordinaten:53° 23′ N, 9° 58′ O
53° 23′ N, 9° 58′ O
Grenzen bi OSM: 252889 252889
Gemeenslötel: 03 3 53 031
Öörd in de Gemeen: 19
Börgermeester: Martina Oertzen (CDU)
Websteed: www.seevetal.de/
Koort
Kreis
Karte
Gemeen KönigsmoorGemeen OtterGemeen WillGemeen TöstGemeen WistGemeen TöstGemeen HandörpGemeen UnnelGemeen DuhrnGemeen HeidenauGemeen DuhrnGemeen KakenstörpGemeen DreestGemeen WinzendörpGemeen HassbosselGemeen ResbosselGemeen MesborgGemeen HullnstGemeen AppelGemeen VosshusenGemeen RosengoornGemeen Bookholt (Landkreis Horborg)Gemeen ÄästörpGemeen HanstääGemeen JesborgGemeen Asendörp (Landkreis Horborg)Gemeen MarxenGemeen HarmstörpGemeen BendstörpGemeen BraackelGemeen SeevedaalLandkreis HorborgNeddersassenLandkreis RodenborgLandkreis HeidkreisLandkreis LümborgLandkreis StoodHamborgSleswig-HolsteenGemeen Gö’nstörpGemeen EyndörpGemeen VeerhöbenGemeen GarlstörpGemeen SolzhusenGemeen ToppenstääGemeen WulfsenGastääGemeen StellGemeen TespGemeen MeschachtGemeen DraagGemeen Winsen (Luh)
Laag von de Gemeen Gemeen Seevdaal in’n Landkreis Horborg (Koort lett sik anklicken)

De Gemeen gellt na dat neddersassische Kommunalverfatensgesett as Sülvstännige Gemeen.

Historie ännern

Seevdaal is an'n 1. Juli 1972 ut 19 sülvststännigen Gemenen as Eenheitsgemeen schopen wurrn. De Naam Seevdaal is ok von 1972. De Gemeen is na de Seev nöömt worrn, de dör de Gemeen flütt.

Gemeenopdelen ännern

De Gemeen besteiht ut söss Oortschoppen, de egen Oortsrääd un Oortsbörgermeesters hebbt un in de jümmer en Reeg Dörper tohoopfaat sünd.

Oortschop Dörper
Fleest/Glüsen/Bääkdörp/Metzendörp Fleest (mit Fleesterloh), Glüsen (mit Glüser Loh), Bääkdörp (mit Weid un Wittenbarg), Metzendörp (mit Wooxdörp)
Hittfeld/Emmelndörp/Helmstörp/Lindhost Hittfeld, Emmelndörp, Helmstörp, Lindhost (mit Plumöhlen)
Maschen/Host/Hössen Maschen (mit Freschenhusen), Host, Hössen
Mäkelfeld/Lütt-Moor Mäkelfeld, Lütt-Moor
Over/Bullenhuus/Groot-Moor Over, Bullenhuus, Groot-Moor
Ramßel/Ohlendörp/Holtörp Ramßel, Ohlendörp, Holtörp

Inwohners ännern

(jümmers to’n 31. Dezember)

Seevdaal is de Gemeen mit de mehrsten Inwohners vun Düütschland ohn' Gemeen mit Stadtrechten.

Politik ännern

Gemeenderaat ännern

De Raat vun de Gemeen besteiht ut 40 Liddmaten un den hauptamtlichen Börgermeester.

Sitten in’n Gemeenderaat
Johr CDU SPD De Grönen Free Wählers * FDP De Linke
2006 17 13 3 4 3 -
2011[1] 15 12 5 6 1 1
  • 2006 = BIS, 2011 = FW.S

Börgermeesters ännern

Dat Amt von’n Börgermeester weer bet to dat Enn von de Tweegleisigkeit 1997 ehrenamtlich. Siet 1997 is de Börgermeester in’t Hauptamt ok för de Verwaltung von de Gemeen tostännig.

Tied Naam Partei
1972–1984 Hermann Meyer
1984–1997 Horst Schneemann CDU
1997–2005 Rainer Timmermann CDU
2005–2013 Günter Schwarz SPD
2013– Martina Oertzen CDU

Gemeendirekters ännern

Dat Amt von’n Gemeendirekter is 1997 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

Tied Naam
1972–1978 Hans-Joachim Röhrs
1978–1991 Hermann Schaller
1991–1997 Rainer Timmermann

Ehrenbörgers ännern

Seevdaal hett betherto veer Ehrenbörgers:

  • 1976: Philipp Helbach, Politiker in’n Landdag, Börgermeester von Mäkelfeld (1946–1972)
  • 1984: Hermann Meyer, eersten Börgermeester von Seevdaal (1972–1984)
  • 1999: Hans Meyer-Sahling, 1972 bet 1994 Oortsbörgermeester von Emmelndörp/Metzendörp
  • 2007: Hermann Maack, 35 Johre Gemeenraad, Oortsbörgermeester von Ohlendörp/Holtörp

Wapen un Flagg ännern

Dat Wapen von de Gemeen wiest op grönen Grund baven en gollen Lööw, de na achtern kickt, un ünnen, afdeelt dör en sülvern Wellenlien, en sülvern Möhlensteen, de in 19 Delen deelt is un in de Midd en swart Möhliesen hett.


De Lööw steiht för Hinnerk de Lööw, den en Hoff in Hittfeld tohöört hett. De Wellenlien steiht för de Seev, dat Gröön för dat gröne Land in dat Daal von de Seev un de Möhlensteen mit de 19 Delen för de velen Möhlen in de Gemeen un de 19 Gemenen, ut de sik de hüdige Gemeen Seevdaal tohoopsett.

De Flagg is baven gröön, in de Midd gollen un ünnen wedder gröön un wiest op’n Middelstriepen dat Wapen.

Wertschap un Infrastruktur ännern

Seevdaal billt mit sien Hauptoord Hittfeld en Middelzentrum för de Öörd in de Ümgegend.

Verkehr ännern

Seevdaal is för den Autoverkehr good anbunnen. De Dörper Maschen (A250), Hittfeld (A1), Fleest un Ramßel (A7) hebbt all en Anslut för de Autobohn. An dat „Horster Dree-eck“ bi Host droopt sik de A7 un de A1, bi dat „Maschener Krüüz“ krüzt de A1 de A250.

De Dörper Hittfeld, Maschen un Mäkelfeld hebbt all enen Bohnhoff mit Anslut no Hamborg-Horborg. Annere Oorsdele sünd mit Busstreken verbunnen.

Kultur ännern

Bildung ännern

Hittfeld un Mäkelfeld hett jeder en Grund- un Hööftschool, en Realschool un ok en Gymnasium. Grunnscholen sünd in Emmelndörp, Fleest, Host, Maschen un Ramßel.

Wat to bekieken is ännern

Sport ännern

  • TuS Fleest
  • HSG Seevedaal
  • TSV Eintracht Hittfeld
  • SC Seevedaal
  • VfL Maschen
  • ESV Maschen
  • MTV Ramßel
  • PBC Seevedaal e.V. - Poolbillard
  • SV Emmelndörp
  • TV Mäkelfeld
  • Schützenvereen Moor
  • TSV Over Bullenhúus
  • Windsurfer Seevedaal e.V.
  • Fischereevereen Mäkelfeld-Glüsen

Weblenken ännern

  Gemeen Seevdaal. Mehr Biller, Videos oder Audiodateien to’t Thema gifft dat bi Wikimedia Commons.

Footnoten ännern

  1. http://wahl.gemeinde-rosengarten.de/2011/Rat2011.htm