Winnerswohl

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Sürsen Gemeen: Annerlingen
Inwahners:
Postleettall:	27446
Vörwahl:	04284
Geograafsche Laag:	53° 24′ N, 9° 22′ O

Winnerswohl (hoochdüütsch Winderswohlde) is en Dörp in de Gemeen Annerlingen in’n Landkreis Rodenborg, Neddersassen.

De Oort höört von öllers bi Grafel mit bi.

Geografie

Winnerswohl liggt dicht bi de Twiest, de in’n Süüdoosten an’n Oort langsflütt.

De Naveröörd sünd Reith in’n Noorden, Wohlers in’n Noordoosten, Ürsdörp, Ottendörp un Kohlenhusen in’n Oosten, Viehbrook un Wens in’n Süden, Grafel un Mojenhoop in’n Süüdwesten, Ohrel in’n Westen un Fehrenbrook in’n Noordwesten.

Historie

Winnerswohl hett sik ut en enkelten Hoff utwickelt, to den denn bilütten poor mehr Hüüs tokamen sünd. De Lüüd in Winnerswohl heet to’n groten Deel all Brunkhorst.

Inwahnertall

Johr	Inwahners
1824-00-001824	2 Füürsteden
1848-00-001848	25 Lüüd, 2 Hüüs

Religion

Winnerswohl is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

En Traditschoon in Winnerswohl is dat Missionsfest, dat sied 1923 elk Johr an’n tweten oder drüdden Sünndag in’t Johr fiert warrt.

Weertschop un Infrastruktur

Verkehr

Von Winnerswohl loopt lüttjere Straten na Süüdwesten na Grafel an de Kreisstraat 109, na Noordwesten na Fehrenbrook an de K 109 un na Noordoosten na Wohlers an de K 47.

De nächste Bahnhoff is de Bahnhoff Brest-Aasp an de Bahnlien Bremerhoben–Buxthu.

Literatur

• Dieter Borchers: Dorfchronik der Dörfer Grafel, Fehrenbruch, Winderswohlde, Mojenhop, Sprakel. 2002

Weblenken

• Websteed över Winnerswohl (hoochdüütsch)