Hauptmenü öffnen

In de Astronomie betekend Bianca (ok: Uranus VIII oder S/1986 U9) en vun de Maanden vun den Planeten Uranus. Bianca is en vun de inneren Maanden, över den aver noch nich ganz veel künnig is. De Uranus-Maanden hebbt all Naams vun Figuren ut dat Wark von William Shakespeare oder Alexander Pope; Bianca is en Figur ut Shakespeares Kummedie The Taming of the Shrew (dt.: „Der Widerspenstigen Zähmung“).

OpdeckenÄnnern

De Maand is an’n 23. Januar 1986 vun den Astronomen Bradford A. Smith op Biller vun de Ruumsond Voyager 2 opdeckt worrn. He hett toeerst de vörlöpig Beteken S/1986 U9 kregen.

ÜmlopbahnÄnnern

Bianca bruukt ungefäähr 10 Stünnen un 26 Minuuten, üm eenmol üm Uranus rümtolopen. Dorbi hett he en middler’n Afstand von 59.165 km. De Maandbahn hett en Exzentrizität von 0,00088 un is dormit meist kreisrund. De Bahn is üm un bi 0,19° gegen den Äquater vun’n Uranus kippt.

OpboÄnnern

De Dörmeter vun Bianca liggt in’n Dörsnitt bi ungefäähr 514, km. Mit 1,3 g/cm³ liggt de Dicht düdlich ünner de vun de Eer. De Wetenschopplers gaht dorvun ut, dat de Maand to’n gröttsten Deel ut Wateries besteiht. De Bavenflach vun Bianca is bannig düster mit en Albedo vun 0,07. Dat heet, dat 7 % vun dat Licht, dat op den Maand ankummt, wedder afstrahlt warrt. Vun wegen de lütte Mass is de Sworversnellen op de Bavenflach mit 0,0093 m/s² ok man blots düchtig lütt.