Duuv (Steernbild)

De Duuv is een vun de 88 modernen Steernbiller un is an’n süüdlichen Steernhimmel to sehn.

Daten to dat Steernbild Duuv
Naam	Duuv
Latiensch Beteken	Columba
Latiensch Genitiv	Columbae
Latiensch Afkörten	Col
Laag	süüdlich vun’n Himmelsäquater
Rektaszension	5h 3m bit 6h 39m
Deklinatschoon	-43° 6´ bit -27° 4´
Flach	270 Quadratgrad
Woneem to sehn	47° Noord bit 90° Süüd
Wanneer to sehn (in Düütschland)	Winter
Tall vun de Steerns mit Magnitude < 3^m	1
Hellste Steern, Magnitude	α Orionis (Phakt), 2,65^m
Meteorströöm	–
Naversteernbiller (von Noord in’n Klockenwiesensinn)	Haas Graavstickel Maler Achtersteven Groot Hund
Koort vun’t Steernbild Duuv

Utsehn

De Duuv steiht ünner dat Steernbild Haas un fallt nich wieter op, vunwegen dat de Steerns al högere Gröttenklassen hebbt. In dat Steernbild Duuv, dat ut en Zickzack-Lien vun Steerns besteiht, liggt de Antapex vun uns Sünnsystem. Dat heet, dat sik de Sünn mit ehr Planeten mit ruchweg 20 km/s vun dissen Punkt wegbewegen deit in Betog op ehr Naversteerns.

In Düütschland hett de Duuv in’n Winter ehr hööchste Positschoon an’n Himmel. In Noorddüütschland stiegt aver blots de nöördlichsten Steerns över’n Horizont, wiel in’n Süüden vun Düütschland dat hele Steernbild to sehn is.

Historie

De Duuv is keen vun de 48 antiken Steernbiller. Se höört to de dree ne’eren Steernbiller, de in’t 17. Johrhunnert vun den nedderlannschen Astronom un Theoloog Petrus Plancius inföhrt weern.

Dat Steernbild steiht in’n Tosamenhang mit de Naversteernbillers Achtersteven (Puppis), Kiel (Carina) un Segel (Vela), de dormols tosamen dat grote Steernbild Schipp Argo (Argo Navis) billt harrn.

De Duuv schall den Vagel dorstellen, de Jason un sien Argonauten den Weg dör de gefährlichen Klippen vun’n Bosporus wiest hett.

Objekten

Steerns

B	F	Naams o. annere Beteken	Grött	Lj	Spektralklass
α		Phakt, Phact, Phaet	2,65^m	268	B7 IV
β		Wezn, Wazn	3,1^m	87	K1 III
δ		Ghusn al Zaitun	3,85^m	237	G7 II
ε			3,86^m	277	K1 IIIa
η			3,96^m	531	K0 III
γ			4,36^m	854	B2.5 IV
κ		Al Kurud	4,37^m	183	G8 II
ο			4,81^m	110	KO/K1 III/IV
λ		Tsze	4,88^m	342	B5 V
ξ			4,97^m	328	K1 III
θ		Al Kurud	5,00^m	762	B8 IV
μ			5,18^m	1300	O9.5 V
ν²			5,28^m	139	F5 V
π²			5,50^m	261	A0 V
σ			5,52^m	1460	F2 III
	72		5,65^m	1080	B2 V
ν¹			6,15^m	145	F0 IV
π¹			6,15^m	322	Am

β Columbae is en gelen Steern mit de Spektralklass K2, de ruchweg 86 Lichtjohren wiet weg is. Sien Naam Weznbedüüt so veel as „Gewicht“.

μ Columbae tellt tosamen mit AE Aurigae un 53 Arietis to de Class vun de sonöömten Runaway-Steerns. All dree bewegt sik mit grote Snelligkeiten vun de Orion-Assoziatschoon weg, ut de se vör ruchweg 2,5 Millionen Johren rutkatapulteert worrn sünd.

Dubbelsteerns

System	Grötten	Afstand
α	2,7/12^m	13,5″

α Columbae is de hellste Steern in de Duuv. Dorbi hannelt sik dat üm en Dubbelsteernsystem in en Afstand vun 268 Lj. Üm de Steerns enkelt sehn to künnen, warrt en middelgroot Teleskoop vun tomindst 10 cm Gatt bruukt.

NGC-Objekten

NGC	annere	Grötten	Tyyp	Naam
1851		7,1^m	Kugelsteernhopen

NGC 1851 is ruchweg 40.000 Lj wiet weg. In en Prismenfeernglas is he as’n neveligen Plack to sehn. In en Teleskop af 15 cm Gatt kann dat Randrebeet in enkelte Steerns oplööst warrn. De Kugelsteernhopen is 1828 vun James Dunlop opdeckt worrn.

Weblenken

Duuv. Mehr Biller, Videos oder Audiodateien to’t Thema gifft dat bi Wikimedia Commons.

De 88 modernen Steernbiller