Egypten (Landkreis Veern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28876 | |
| Vörwahl: | 04205 | |
| Geograafsche Laag: | Koordinaten:53° 5′ N, 9° 7′ O53° 5′ N, 9° 7′ O | |
|
| ||
Egypten (hoochdüütsch Egypten) is en lütten Oort in de Gemeen Eiten in’n Landkreis Veern, Neddersassen. Binnen de Gemeen Eiten höört de Oort to de polietsche Oortschop Bassen.
Geografie
ännernDe Oort liggt op de Achem-Veerner Geest. Dat Water ut dat Rebeed flütt över Gravens na de Wümm hen af. Na Noordoosten liggt dat Otterbarger Moor, dat deelwies ok as Naturschuulrebeed Otterbarger Moor schuult is.
De Naveröörd sünd Nadah in’n Noorden, Otterbarg-Bahnhoff in’n Noordoosten, Wümmingen in’n Oosten, Rootlook, Middelsdörp un Tüchten in’n Süüdoosten, Hoffstall, Calshoop un Brammer in’n Süden, Bassen in’n Süüdwesten un Brillkamp in’n Westen.
Historie
ännernDe Oort Egypten kummt 1823 toeerst in ole Böker vör. Wat dat mit’n Naam op sik hett, dat is nich kloor. Een Theorie is, dat dat dor en Lagerplatz von Taters geven hett, de woll ok Ägypters nöömt worrn sünd.[1] Aver en Bewies för düsse Theorie gifft dat nich.
Verwaltungsgeschicht
ännernDe Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort weer von öllers Deel von de Gemeen Bassen. Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn. Sietdem höört Egypten binnen de Gemeen to de Oortschop Bassen.
Inwahnertall
ännern| Johr | Inwahners |
|---|---|
| 1848[2] | 35 Lüüd, 4 Hüüs |
| 1. Dezember 1871[3] | 25 Lüüd, 4 Hüüs |
| 1. Dezember 1885[4] | 31 Lüüd, 4 Hüüs |
| 1. Dezember 1905[5] | 28 Lüüd, 4 Hüüs |
Religion
ännernEgypten is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.
För de Kathoolschen is de St.-Matthias-Kark in Achem tostännig.
Weertschop un Infrastruktur
ännernFör Egypten is de freewillige Füürwehr Bassen mit tostännig.
Verkehr
ännernAn’n Noordwestrand von Egypten löppt de Landsstraat 168 langs, de in’n Noordoosten na Otterbarg un Söttmer geiht un in’n Süüdwesten över Bassen un Eiten na de Bremer Oortsdelen Oosterholt un Hemeln. Von de L 168 geiht in Bassen in’n Süden de L 156 na Achem af. Bi Otterbarg-Bahnhoff geiht von de L 168 de L 155 af, de op Langwedel un Veern to löppt.
De nächste Autobahn is de Autobahn 1 (Afsnidd Bremen–Hamborg), de een Kilometer in’n Süden von’n Oort langslöppt. De Opfohrt 51 Posthusen liggt so fiev Kilometer in’n Oosten von Egypten an de L 155.
De nächste Bahnhoff is so bi dree Kilometer wied weg in’n Noordoosten de Bahnhoff Otterbarg an de Bahnlien Hamborg–Bremen.
Scholen
ännernDe Kinner ut Egypten gaht na de Grundschool Bassen. Ok ganz fröher al sünd de Kinner in Bassen na de Volksschool gahn.
Literatur
ännern- Christel Barning, Elisabeth Schnakenberg: Bassen – Geschichte und Geschichten von 1259 bis heute. Atelier im Bauernhaus, Hu’e 2013, ISBN 978-3881321075
Footnoten
ännern- ↑ Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 11
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
Baaksbarg | Bassen | Bassener Bre’enmoor | Bassenergrund | Bassenerkamp | Bassenerwümm | Bornmoor | Brammer | Brillkamp | Dohm | Egypten | Groten Hollen | Heinsbarg | Hoffstall | Kasshoope | Lüttjen Hollen | Nadah | Petershollen | Tüchten
