Klenkendörp

Klenkendörp (hoochdüütsch Klenkendorf) is en Dörp in de Gemeen Gnarrenborg in’n Landkreis Rodenborg, Neddersassen.

Wapen/Flagg

Koort

Basisdaten

Bundsland: Neddersassen

5,91 km²

255 (2011-12-3131. Dezember 2011)

Inwahnerdicht:

43,1 Inwahners pro km²

Postleettall:

27442

Vörwahl:

04764

Geograafsche Laag:

Koordinaten:53° 25′ N, 9° 4′ O53° 25′ N, 9° 4′ O

Geografie

Klenkendörp liggt in’t Düvelsmoor.

De Naveröörd sünd Fohrendörp in’n Noorden, Minst in’n Oosten (op de anner Sied von de Oost), Mintenborg, Immenhain un Heinrichsdörp in’n Süüdoosten, Augussendörp in’n Süden un Langenhusen in’n Süüdwesten.

Historie

Klenkendörp is 1824 as Moorkolonie mit 27 Buursteden in’t Düvelsmoor grünnt worrn. Den Naam hett dat Dörp na Claus von Klenck kregen, wat de Oberhauptmann von dat Amt Bremervöör wesen is, de 1821 doodbleven weer.

1835 is denn Ober-Klenkendörp grünnt worrn, op en Stück Moor twüschen Klenkendörp un Augussendörp, dat noch nableven weer.

An’n 8. April 1974 bi de Gemeenreform in Neddersassen mit de Gemeen Gnarrenborg tohoopleggt worrn.

Inwahnertall

Johr	Inwahners
1848-00-001848^[1]	129 Lüüd, 16 Hüüs
1910-12-011. Dezember 1910^[2]	356
1925-00-001925^[3]	337
1933-00-001933^[3]	294
1939-00-001939^[3]	300
2005-12-3131. Dezember 2005	248
2008-12-3131. Dezember 2008	256
2011-12-3131. Dezember 2011^[4]	255

Religion

Klenkendörp is evangeelsch-luthersch präägt un höört to dat Kaspel Gnarrenborg.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De Karkhoff von Klenkendörp liggt an de Straat Op’n Kiel.

Oortsvörsteihers

opstunns: Johann Steffens

Wapen

Dat Wapen von Klenkendörp wiest op grönen Grund över en swarten Schildfoot mit dree gollen Moorbulten dor op en sülvern Wellenlien un op de Wellen en gollen Törfkahn mit sülvern Seil.

Weertschop un Infrastruktur

Verkehr

De Dörpstraat von dat Stratendörp Klenkendörp löppt von de Kreisstraat 102 na Noordoosten an de Kreisstraat 101 ran. Ober-Klenkendörp liggt an en twete Straat, de dor parallel to löppt. Von Ober-Klenkendörp geiht noch en Straat af na Heinrichsdörp.

Scholen

De eerste School in Klenkendörp is 1835 boot worrn. Later hett de School aver wedder dichtmaakt. De Kinner ut Klenkendörp gaht vondaag na de Grundschool Klenkendörper Möhl in Oosterweed.