Liest (Landkreis Heidkreis)

Oort in’n Landkreis Heidkreis, Neddersassen
Wapen/Flagg Koort
hett keen Wapen
Liest
Laag vun Liest in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners:
Postleettall: 29643
Vörwahl: 05195
Geograafsche Laag:
Koordinaten:53° 5′ N, 9° 44′ O
53° 5′ N, 9° 44′ O

Karte

Liest (hoochdüütsch Lieste) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Sprengel.

Geografie ännern

De Oort liggt in de Lümbörger Heid. Dat Water ut dat Rebeed flütt in’n Oosten över’n Liester Beek un Kröpelbeek na de Veers hen af, in’n Westen aver över’n Swarker Beek un Mehlandsbeek na de Wiedau.

De Naveröörd sünd Lünzenbrookhoff in’n Noorden, Schüllernbrookhoff in’n Noordoosten, Schüllern in’n Oosten, Königshoff, Sprengel un Kempen in’n Süden, Schworgen in’n Süüdwesten un Täwel-Moor, Grauen un Lünzen in’n Noordwesten.

Historie ännern

Verwaltungsgeschicht ännern

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Jillhorn in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort hett von öllers bi de Gemeen Sprengel mit bihöört, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem is Liest binnen de Gemeen Deel von de Oortschop Sprengel, de en egen Oortsvörsteiher hett.

Inwahnertall ännern

Johr Inwahners
1791-00-001791[1] 2 Füürsteden
1812-00-001812[2] 23
1824-00-001824[3] 4 Füürsteden
1848-00-001848[4] 32 Lüüd, 5 Hüüs
1871-12-011. Dezember 1871[5] 31 Lüüd, 7 Hüüs
1885-12-011. Dezember 1885[6] 36 Lüüd, 6 Hüüs
1905-12-011. Dezember 1905[7] 43 Lüüd, 6 Hüüs

Religion ännern

Liest is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Weertschop un Infrastruktur ännern

För Liest is de freewillige Füürwehr Sprengel mit tostännig.

Verkehr ännern

Dör Liest löppt de Kreisstraat 21, de in’n Oosten na Schüllern an de Landsstraat 171 ran geiht un in’n Süüdwesten över Schworgen na Täwel an de Bundsstraat 71. Von de K 21 geiht na Süüdwesten de K 23 af, de na Sprengel an de L 171 föhrt. De L 171 löppt in’n Noordoosten över Schüllern na Snevern un in’n Süüdwesten över Kempen na Delsen bi Neenkerken an de B 71.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 17 Kilometer in’n Oosten von Liest an de B 3.

De nächste Bahnhoff is so bi söven Kilometer wied weg in’n Noordoosten de Bahnhoff Snevern an de Heidbahn.

Scholen ännern

De Kinner ut Liest gaht na de Grundschool Neenkerken.

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 142
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 372
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154