Meckelst
Meckelst (hoochdüütsch Meckelstedt) is en Dörp in de Gemeen Geestland in’n Landkreis Cuxhoben, Neddersassen. Polietsch is de Oort Deel von de Oortschop Lintig binnen de Stadt Geestland.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 14,78 km² | |
| Inwahners: | 396 (14. August 2014) | |
| Inwahnerdicht: | 26,8 Inwahners pro km² | |
| Hööchd: | 14 m över NHN | |
| Postleettall: | 27624 | |
| Vörwahl: | 04745 | |
| Geograafsche Laag: | Koordinaten:53° 36′ N, 8° 56′ O53° 36′ N, 8° 56′ O | |
 | ||
|
| ||
Geografie
ännernÜm un bi een Kilometer in’n Süden von’n Oort flütt de Wittgeest langs. In’n Oosten liggt dat Naturschuulrebeed Lang Moor.
De Naveröörd sünd Maurismaur un Hoorn in’n Noordoosten, Armsdörp in’n Oosten, Langenmoor, Grotenhain un Lüttenhain in’n Süüdoosten, Langel in’n Süden, Wisswohl un Hainmöhlen in’n Süüdwesten un Lintig un Ankloh in’n Noordwesten.
Historie
ännernDe öllste Fund ut de Vörgeschicht is de Steenkist von Meckelst, de ut de Bronztied stammt un 1896 funnen worrn is.
In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Beers tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort is 1971 Liddmaat von de Samtgemeen Beers worrn un an’n 1. März 1974 denn Deel von de Gemeen Lintig in de ne’e Samtgemeen Beers. Gemeen un Samtgemeen sünd to’n 1. Januar 2015 oplööst worrn un dat Rebeed höört nu to de Stadt Geestland höört.
In’n Eersten Weltkrieg sünd twölv Soldaten ut Meckelst fullen oder vermisst un in’n Tweten Weltkrieg 48.[1]
Inwahnertall
ännern| Johr | Inwahners |
|---|---|
| 1793[2] | 15 Füürsteden |
| 1812[3] | 111 |
| 1824[4] | 33 Füürsteden |
| 1848[5] | 158 Lüüd, 36 Hüüs |
| 1. Dezember 1871[6] | 192 Lüüd, 37 Hüüs |
| 1. Dezember 1910[7] | 288 |
| 1925[8] | 324 |
| 1933[8] | 320 |
| 1939[8] | 320 |
Religion
ännernMeckelst is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.
Wapen
ännernDat Wapen wiest op roden Grund op en grönen Schildfoot en sülvern Hünengraff.
Dat Wapen hett de Heraldiker Albert de Badrihaye utklamüsert. Dat Hünengraff is de Oppersteen an’n Oortsingang von Meckelst.
Kultur
ännernEn Denkmaal för de Fullenen ut de twee Weltkrieg’ steiht op’n Karkhoff.
Verenen
ännernMeckelst hett en egene freewillige Füürwehr un en Schüttenvereen.
Weertschop un Infrastruktur
ännernDe lüttje Bunte Raben Verlag von Martin Brinkmann un Fabian Reimann hett sien Seet in Meckelst.
Verkehr
ännernDör Meckelst löppt de Landsstraat 119, de in’n Noordwesten na Lintig un Beers geiht un in’n Süüdoosten över Grotenhain na Eversdörp an de Bundsstraat 495 ran.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 20 Kilometer in’n Westen von Meckelst.
De nächste Bahnhoff is so bi 15 Kilometer wied weg in’n Süden de Bahnhoff Op de Hööv an de Bahnlien Bremerhoben–Buxthu.
Footnoten
ännern- ↑ http://www.denkmalprojekt.org/2008/lintig-meckelstedt_wk1u2_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 152: https://books.google.de/books?id=jN5QAAAAcAAJ&pg=PA152
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64: http://books.google.de/books?id=Q 5OAAAAcAAJ&pg=PA64
- ↑ C. H. Jansen: Statistisches Handbuch des Königreichs Hannover. 1824, Sied 400: http://books.google.de/books?id=tG0AAAAAcAAJ&pg=PA400
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152: https://books.google.de/books?id=qTZDAQAAMAAJ&pg=RA2-PA152
- ↑ http://www.gemeindeverzeichnis.de/gem1900/gem1900.htm?hannover/lehe.htm
- ↑ a b c http://www.verwaltungsgeschichte.de/wesermuende.html
