Mehdörp

Mehdörp (hoochdüütsch Mehedorf) is en Dörp in de Gemeen Bremervöör, in’n Landkreis Rodenborg, Neddersassen. Dat Dörp liggt an de Meh.

Wapen/Flagg

Koort

Basisdaten

Bundsland: Neddersassen

7,57 km²

214 (2015-01-3131. Januar 2015)

Inwahnerdicht:

28,3 Inwahners pro km²

Postleettall:

27432

Vörwahl:

04761

Geograafsche Laag:

Koordinaten:53° 32′ N, 9° 6′ O53° 32′ N, 9° 6′ O

Geografie

De Naveröörd sünd Abbenseth in’n Noorden, Isheim in’n Noordoosten, Neendamm in’n Oosten, Hönau-Lindörp in’n Süüdoosten, Glinn in’n Süden, Eversdörp in’n Süüdwesten un Alfs in’n Westen.

Historie

Mehdörp is 1774 as Moorkolonie von Jürgen Christian Findörp in de Form von en Stratendörp grünnt worrn.

In’n Eersten Weltkrieg sünd 21 Soldaten ut Mehdörp fullen oder vermisst un in’n Tweten 23^[1].

Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.

Mehdörp is 1974 bi de Gemeenreform in Neddersassen mit de Gemeen Bremervöör tohoopleggt worrn.

Inwahnertall

Johr	Inwahners
1824-00-001824^[2]	37 Füürsteden
1848-00-001848^[3]	398 Lüüd, 51 Hüüs
1910-12-011. Dezember 1910^[4]	332
1925-00-001925^[5]	329
1933-00-001933^[5]	310
1939-00-001939^[5]	312
1950-00-001950^[6]	413
1970-00-001970^[6]	299
2005-03-011. März 2005	240
2009-12-3131. Dezember 2009^[7]	231
2015-01-3131. Januar 2015^[8]	214

Religion

Mehdörp is evangeelsch-luthersch präägt un höört to dat Kaspel von de Findörp-Kark in Isheim. Bet 1965 hett de Oort noch to dat Kaspel von de Liborius-Kark in Bremervöör höört. As in dat Johr de Auferstehungskark in Bremervöör nee boot worrn is, is disse Kark för den Oort tostännig ween. Eerst 1994 is de Findörp-Kark egenstännige Karkengemeen worrn un sietdem höört Mehdörp na Isheim.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik

Mehdörp hett binnen de Gemeen Bremervöör en egen Oortsraad mit fiev Maten. Oortsbörgermeester is Erwin Busch.

Wapen

Dat Wapen wiest op blauen Grund en gollen Neddersassenhuus un ünnen op sülvern Grund en blaue Wellenlien, de för de Meh steiht.

Kultur

En Denkmaal för de Fullenen ut Mehdörp, Neendamm un Isheim ut de twee Weltkrieg’ steiht bi’n Karkhoff in Isheim.

Infrastruktur

Verkehr

Mehdörp liggt as Stratendörp an de Straat An de Meh, de in’n Noorden bi Isheim an de Kreisstraat 35/Kreisstraat 105 rangeiht. In’n Süden löppt de Straat bi Glinn an de Bundsstraat 74/71 ran. Lüttjere Straten gifft dat ans na Eversdörp un Alfs.

Scholen

De eerste School in Mehdörp is 1820 boot worrn. 1860 un 1911 hett dat Dörp denn noch twee Maal wedder en neet Schoolhuus kregen. De School is denn 1967 ganz dicht maakt worrn un de Kinner müssen denn na Isheim na School gahn. Na Gymnasium gaht de Schölers in Bremervöör.