Wehnsen (Landkreis Rodenborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:52° 58′ N, 9° 32′ O52° 58′ N, 9° 32′ O | |
|
| ||
Wehnsen (hoochdüütsch Wehnsen) is en Dörp in de Gemeen Visselhöövd in’n Landkreis Rodenborg, Neddersassen. Binnen de Gemeen billt de Oort de polietsche Oortschop Wehnsen.
Geografie
ännernDe Oort liggt in de Lümbörger Heid. Dat Water ut dat Rebeed flütt över’n Wehnser Beek na de Lehrde hen af.
De Naveröörd sünd Nindörp in’n Noorden, Visselhöövd in’n Noordoosten, Kedenborg, Griemen un Fahlbeek in’n Süüdoosten, Stellich un Bleckwedel in’n Süüdwesten, de Hoff Tadel in’n Westen un Jeddingen in’n Noordwesten.
Historie
ännern
Wehnsen kummt toeerst as Wedensen in en Oorkunn vör, de ut de Tied von 1237 bet 1246 stammt.
Bi Wehnsen hebbt sik fröher twee wichtige Postweeg drapen. De een von Stood na Hannover un de annere von Horborg na Neenborg un Ossenbrügge. An de Steed, an de sik de beiden Weeg drapen hebbt, steiht en Postmielensteen.
De Siedlung Nee-Wehnsen mit acht Hüüs is 1927 in’n Noordoosten von de Wehnser Feldmark anleggt worrn.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Oort weer fröher Deel von de Buurschop Jeddingen, hett von de Midd von dat 19. Johrhunnert af an denn aver en egen Gemeen billt. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem billt Wehnsen binnen de Gemeen en Oortschop mit egen Oortsvörsteiher.
Inwahnertall
ännern| Johr | Inwahners |
|---|---|
| 1791[1] | 4 Füürsteden |
| 1812[2] | 47 |
| 1824[3] | 10 Füürsteden |
| 1848[4] | 85 Lüüd, 12 Hüüs |
| 1. Dezember 1871[5] | 43 Lüüd, 9 Hüüs |
| 1. Dezember 1885[6] | 41 Lüüd, 8 Hüüs |
| 1. Dezember 1905[7] | 55 Lüüd, 10 Hüüs |
| 1. Dezember 1910[8] | 64 |
| 1925[9] | 76 |
| 1933[9] | 107 |
| 1939[9] | 112 |
Religion
ännernWehnsen is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Dat Dörp hett en egen Karkhoff.
Oortsvörsteihers
ännern- opstunns: Joachim Heldberg
Kultur
ännernDe Oort hett keen egen Vereen. De Lüüd maakt vör allen in de Vereens von Jeddingen mit.
Weertschop un Infrastruktur
ännernFör Wehnsen is de freewillige Füürwehr Jeddingen mit tostännig.
Verkehr
ännernDör Wehnsen löppt de Kreisstraat 207, de in’n Noordoosten na de Landsstraat 171 un wieder na Nindörp un na de Bundsstraat 440 geiht un in’n Süden na Stellich, Sievern un Idsen (de K 207 geiht dor in’n Landkreis Heidkreis wieder as K 124). De L 171 föhrt in’n Süüdwesten över Jeddingen na Kerklinneln un Veern un in’n Noordoosten över Visselhöövd na Neenkerken. De B 440 geiht von Visselhöövd in’n Noordwesten över Wittörp na Rodenborg un in’n Süüdoosten över Oddingen na Derpmark.
De nächste Autobahn is de Autobahn 27 (Afsnidd Bremen–Wasra). De Opfohrt 27 Wasra-West liggt so 15 Kilometer in’n Süden von Wehnsen an de B 209.
De nächste Bahnhoff is so bi dree Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel.
Scholen
ännernDe Kinner ut dat Dörp gaht na de Grundschool Jeddingen. Wehnsen harr fröher en egen Volksschool, de later dichtmaakt worrn is.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 245
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 644
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Bleckwedel | Bookholt | Dreßel | Drögenbossel | Hiddingen | Jeddingen | Keernborg | Lürken | Nindörp | Oddingen | Roosbrook | Schwitschen | Visselhöövd | Wehnsen | Wittörp