Plutino
Plutinos – nich to verwesseln mit de Plutoiden – stellt in de Astronomie en sünnere Grupp vun Asteroiden dor: Betekent warrt dormit de Objekten ut’n Kuipergördel, de glieke Bahnelementen as Pluto hebbt. Jemehr Ümloopbahnen staht in en 3:2-Bahnresonanz to de Ümloopbahn vun Neptun un blieft dordör bestännig. In de Tiet, in de Neptun dreemol üm de Sünn löpt, ümkreist ehr de Plutinos tweemol. Dör disse Synchronisatschoon kamt de Himmelskörpers nich in de Neeg vun’n Neptun. Annerre Ümloopbahnen weern nich över längere Tiet bestännig. Blangen de Twotinos sünd de Plutinos de bekanntsten resonanten Kuipergördel-Objekten
Ruchweg 63 Johren na Pluto sülvst weern vun’n 14. bit 17. September 1993 achter’nanner veer Plutinos opdeckt. Opstunns warrt de Tall vun de grötteren Plutinos (mehr as 100 km Dörmeter) op mehr as dusend schätzt. Man, to Tiet gifft dat noch nich veel Weten över de Kuipergördle-Objekten (KBOs), so dat de Afschätzen noch nich nipp un nau is.
Entstahn ännern
Na hüütige Överleggen sünd dör de Gasresen to de Tiet, as dat Sünnsystem sik billt hett, mööglicherwies Planetesimalen in dat butere Rebeet (Kuipergördel un Oortsche Wulk) aflenkt worrn. Dorbi hett sik de Ümloopbahn vun’n Neptun vergröttert. Modellreken hebbt nawiest, dat de Neptun dorbi op sien Weg de Objekten, de al dor weern, in de 3:2-Resonanz jüst as’n Sneeploog vört sik herschaven hett.
Grote Plutinos ännern
| Naam | Ø | a | Perihel | Aphel | T | i | e | mvis Oppositschoon 2008 |
mvis Oppositschoon in’t Perihel |
|---|---|---|---|---|---|---|---|---|---|
| (134340) Pluto | 2320 km | 39,2 AE | 29,6 AE | 48,8 AE | 248 Johren | 17,1° | 0,244 | 14,m1 | 13,m8 |
| Charon | 1270 km | Gröttste Maand vun Pluto | |||||||
| 1993 RO | ~140 km | 39,06 AE | 31,5 AE | 46,6 AE | ~247 Johren | 3,7° | 0,194 | 23,m0 | 22,m9 |
| 1993 SB | ~130–200 km | 39,24 AE | 26,7 AE | 51,8 AE | 248 Johren | 1,9° | 0,320 | 22,m4 | 21,m9 |
| (15789) 1993 SC | ~300 km | 39,40 AE | 32,10 AE | 46,71 AE | 247 Johren | 5,2° | 0,185 | 22,m5 | 21,m9 |
| (47171) 1999 TC36 | ~405 km | 39,23 AE | 30,55 AE | 47,91 AE | 246 Johren | 8,4° | 0,221 | 19,m8 | 19,m7 |
| (38628) Huya | 540 km | 39,72 AE | 28,6 AE | 50,9 AE | ~250 Johren | 15,5° | 0,281 | 19,m3 | 19,m3 |
| (28978) Ixion | 400–550 km | 39,48 AE | 29,9 AE | 49,0 AE | ~250 Johren | 19,6° | 0,242 | 19,m4 | 18,m0 |
| (90482) Orcus | 1600–1800 km | 39,47 AE | 30,9 AE | 48,1 AE | ~250 Johren | 20,6° | 0,218 | 19,m1 | 17,m2 |