Reepen (Landkreis Cuxhoben)

Wapen/Flagg Koort
hett keen Wapen
Reepen
Laag vun Reepen in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners:
Postleettall: 27612
Vörwahl: 04744
Geograafsche Laag:
Koordinaten:53° 25′ N, 8° 34′ O
53° 25′ N, 8° 34′ O

Karte

Reepen (hoochdüütsch Reepen) is en lütten Oort in de Gemeen Lox in’n Landkreis Cuxhoben, Neddersassen. De Oort höört polietsch von öllers bi Neenlann mit bi.

Fröher is de Oort deelwies ok Breemsch-Reepen (von wegen de Laag in dat Hartogdom Bremen) nöömt worrn, in’n Ünnerscheed to Wördsch-Reepen in dat ollnbörgsche Land Wörden, dat vondaag den Naam Reitmoor driggt.

Geografie ännern

De Oort liggt in dat Siedland von de Masch von Oosterstood an’n olen Loop von de Drept. Vondaag is de Dreptbagen in’n Süden von Reepen dörstaken.

De Naveröörd sünd Holt un Swegen in’n Noorden, Hahnenknoop in’n Noordoosten, Neenlannermoor un Langendammsmoor in’n Süüdoosten, Blömkenmoor in’n Süden, Rechtenfleth in’n Süüdwesten, Dreptersiel in’n Westen un Neenlann, Büttel un Swingenborg in’n Noordwesten.

Historie ännern

Verwaltungsgeschicht ännern

In de Franzosentied von 1810 bet 1814 hett de Oort to de Mairie Deesdorp in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Hagen tohöört un leeg dor in’n Bezirk von de Oosterstoder Masch. Reepen hett to de Buurschop Neenlann höört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Neenlann, de von 1971 bet 1974 Maat von de Samtgemeen Lox weer, is an’n 1. März 1974 mit de Gemeenreform in Neddersassen Deel von de Gemeen Lox worrn. Binnen de Gemeen höört de Oort Reepen nu to de polietsche Oortschop Neenlann.

Inwahnertall ännern

Johr Inwahners
1791-00-001791[1] 6 Füürsteden
1812-00-001812[2] 81
1824-00-001824[3] 6 Füürsteden
1848-00-001848[4] 22 Lüüd, 5 Hüüs
1871-12-011. Dezember 1871[5] 28 Lüüd, 5 Hüüs
1885-12-011. Dezember 1885[6] 32 Lüüd, 5 Hüüs
1905-12-011. Dezember 1905[7] 19 Lüüd, 4 Hüüs

Religion ännern

Reepen is evangeelsch-luthersch präägt un höört to dat Kaspel von de Marien-Kark in Büttel. Fröher hett de Oort to dat Kaspel von de Laurentius-Kark in Deesdorp tohöört.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur ännern

Verkehr ännern

Dör Reepen löppt en lüttje Straat, de in’n Westen an de Kreisstraat 50 ran geiht un in’n Oosten an de Kreisstraat 54. De K 50 löppt in’n Süden na Rechtenfleth un Saans un in’n Noordwesten över Büttel na Deesdorp. De K 54 geiht in’n Süüdoosten över Neenlannermoor un Langendammsmoor na de Landsstraat 135 bi Hahnenknoop un in’n Noordwesten över Swingenborg na Büttel. In Swingenborg geiht von de K 54 de K 55 af, de in’n Noordoosten an de B 437/L 143 ran löppt. De B 437 föhrt in’n Westen dör den Wersertunnel ünner de Werser dör un de L 143 in’n Noordoosten na Stotel un Lox.

De nächste Autobahn is de Autobahn 27 (Afsnidd BremenBremerhoben). De Opfohrt 11 Stotel liggt so fiev Kilometer in’n Noorden von Reepen an de B 437.

De nächste Bahnhoff is so bi 13 Kilometer wied weg in’n Noordoosten de Bahnhoff Lox an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhoff Büttel leeg dree Kilometer in’n Noordwesten.

Literatur ännern

  • Elke Hamann: Kennt ji dat Dörp Schwegen? Chronik aus fünf ehemaligen Moorkolonien: Schwegen, Reepen, Neuenlandermoor, Langendammsmoor und Bramstedtermoor. Dörpgemeenschop Swegen, 2004

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 188
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 500
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52