Samtgemeen Hagen

Samtgemeen in Neddersassen
Wapen/Flagg Koort

Wapen vun de Samtgemeen Hagen

Samtgemeen Hagen
Laag vun Samtgemeen Hagen in Düütschland
Basisdaten
Sitt: Hagen
Landkreis: Cuxhoben
Flach: 197,32 km²
Inwahners: 10.975
(31. Dezember 2011)
Inwahnerdicht: 55,6 Inwahners pro km²
Geograafsche Laag: 53° 22′ N, 8° 39′ O
Gemeenslötel: 03 3 52 5406
Tall Gemenen: 6
Websteed: www.hagen-cux.de
NoordseeSleswig-HolsteenBremerhobenLandkreis OosterholtLandkreis RodenborgLandkreis StoodLandkreis WersermarschGemeen ArmsdörpGemeen BelenGemeen BeverstGemeen BülkauGemeen KumbargGemeen CuxhobenGemeen KumbargGemeen HeckthusenGemeen HemmoorGemeen HollnsethGemeen HelmworthGemeen LoomstGemeen LoomstGemeen LoxGemeen MittelsnohnGemeen NeenkarkenGemeen NeehuusGemeen LeeGemeen ÖberndörpGemeen GodshemGemeen OostenGemeen OosterbrookGemeen OterndörpGemeen SchippdörpGemeen SteenauGemeen StinstGemeen StinstGemeen WannenGemeen WingstGemeen Hagen (Landkreis Cuxhoben)Gemeen Wuster NoordseeküstGemeen Geestland
Laag von Samtgemeen Hagen in’n Landkreis Cuxhoben (Koort lett sik anklicken)

De Samtgemeen Hagen weer en Samtgemeen in’n Landkreis Cuxhoben, in de sik söss Gemenen för de Afwickeln vun de Verwaltenssaken tohoopslaten harrn.

GeografieÄnnern

De Samtgemeen Hagen grenz in’n Noorden an de Gemeen Lox, in’n Noordoosten an de Gemeen Beverst, in’n Oosten an de Samtgemeen Hambargen, in’n Süüdoosten an de Gemeen Oosterholt-Scharmbeek, in’n Süden an de Gemeen Swonewebel (de letzten dree in’n Landkreis Oosterholt) un in’n Westen an Braak un Stadland (all beid in’n Landkreis Wersermasch).

HistorieÄnnern

De Samtgemeen is an’n 1. Januar 1970 billt worrn. To de Tied weren dat 16 Gemen, de sik dor in tohoopslaten hebbt: Albst, Ax, Braamst, Dorphagen, Driftseth, Hagen, Harndorp, Hein, Hoop, Kassbrook, Leernst, Loh, Saans, Uthleer, Wittst un Wolsbuddel. Mit de Gemeenreform in Neddersassen to’n 1. März 1974 hebbt sik 15 von de Gemenen denn to söss gröttere Gemenen tohoopslaten. Blots Ax is in de Samtgemeen Hambargen in’n Landkreis Oosterholt wesselt.

To’n 1. Januar 2014 is de Samtgemeen oplööst worrn. De söss Gemenen hebbt sik denn to de ne’e Eenheitsgemeen Hagen tohoopslaten.

PolitikÄnnern

To de Samtgemeen hebbt söss Gemenen tohöört:

  1. Gemeen Braamst
  2. Gemeen Driftseth
  3. Gemeen Hagen (Sitt vun de Verwalten)
  4. Gemeen Saans
  5. Gemeen Uthleer
  6. Gemeen Wolsbuddel

SamtgemeenraatÄnnern

De Samtgemeenraat vun de Gemeen bestünn blangen den Samtgemeenbörgermeester ut 28 wählte Raatsliddmaten. De letzte Kommunalwahl weer an’n 11. September 2011:

Partei 2011
SPD 10
CDU 11
Bündnis 90/De Grönen 4
Wählergemeenschop 3

SamtgemeenbörgermeestersÄnnern

Naam Tied Partei
Hartmut Christiansen ~1991
Dirk Jander ~1997 SPD
Susanne Puvogel 1. November 2006–31. Dezember 2013 SPD

SamtgemeendirektersÄnnern

Naam Tied
Peter Heß 1. Mai 1971–
Karla Mombeck ~1997

WapenÄnnern

Dat Wapen wiest baven vörn op roden Grund en sülvern Slötel un en sülvern Wagg, baven achtern op sülvern Grund en roden Steern mit acht Tacken un twee gröne Ekenbläder un ünnen op blauen Grund en sülvern Hünengraff.

De Bremer Slötel steiht för de Laag in dat ole Arzbisdom Bremen. De Steern un de Ekenbläder staht för de ole Gerichts- un Dingsteed ünner de „Staleke“ in dat ole Amt Hagen. Dat Hünengraff steiht för de Megalithanlagen, von de in de Samtgemeen en Reeg to finnen sünd.

WeblenkenÄnnern