Spieker Neefeld
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27637 | |
| Vörwahl: | 04741 | |
| Geograafsche Laag: | Koordinaten:53° 47′ N, 8° 33′ O53° 47′ N, 8° 33′ O | |
|
| ||
Dat Spieker Neefeld (hoochdüütsch Spiekaer Neufeld oder Spieka-Neufeld) is en Oort in de Gemeen Wuster Noordseeküst in’n Landkreis Cuxhoben, Neddersassen. Dat höört binnen de Gemeen to de Oortschop Noordholt.
To dat Spieker Neefeld höört ok de Langenhoff un de veer fröheren Domanialhööv Halvmaand, Liether Hoff, Pompdamm un Schöönoort mit to.
Geografie
ännernDat Spieker Neefeld is en Deel von dat Neefeld von Land Wusten. Dat liggt direkt achter’n Hauptdiek an de Küst von de Noordsee. De Oxter Beek, de Wallsgroov un de Spieker Waterlöös doot hier münnen.
De Naveröörd sünd Arensch un Berensch in’n Noordoosten, Ox in’n Oosten, Noordholt, Dieksenn, Spiek un Spieker Olendiek in’n Süüdoosten, Cappeler Olendiek in’n Süden un Cappeler Neefeld in’n Süüdwesten.
Historie
ännernDe Oort Spieker Neefeld is grünnt worrn, nadem dat Neefeld 1636 nee indiekt worrn is.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Spiek in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett von 1739 bet 1819 to dat Amt Noordholt tohöört, denn bet 1852 to dat Vaagdiegericht Land Wusten un von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. Juli 1968 hebbt sik de Gemenen Cappeler Neefeld, Spiek un Spieker Neefeld to een Gemeen tohoopslaten, de mit de Gemeenreform in Neddersassen an’n 1. März 1974 denn Deel von de Gemeen Noordholt worrn is.
To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn. Dat Rebeed von de vörherige Gemeen Noordholt billt nu de polietsche Oortschop Noordholt binnen de Gemeen Wuster Noordseeküst.
Inwahnertall
ännern| Johr | Inwahners |
|---|---|
| 1791[1] | 35 Füürsteden |
| 1812[2] | 224 |
| 1824[3] | 36 Füürsteden |
| 1848[4] | 229 Lüüd, 40 Hüüs |
| 1. Dezember 1871[5] | 247 Lüüd, 40 Hüüs |
Religion
ännernDat Spieker Neefeld is evangeelsch-luthersch präägt un höört to dat Kaspel von de Georg-Kark in Spiek.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Wapen
ännernDat Wapen von dat Spieker Neefeld is schraag deelt un wiest baven achtern op sülvern Grund en blauen Escher un ünnen vörn op grönen Grund en gollen Ohr.
Weertschop un Infrastruktur
ännern
De Oort hett vondaag noch en lütten Haven, in den en Hand vull Krabbenkutters liggen doot.
In’n Noordoosten von dat Spieker Neefeld liggt en Windpark, de 1995 anleggt un 2007 utboot worrn is, so dat dor 22 Windrääd staht. En Deel steiht op dat Rebeed von Ox. De Windpark schall repowert warrn.
Verkehr
ännernDat Spieker Neefeld is över de Kreisstraat 73 mit Spieker Olendiek in’n Süüdoosten verbunnen. De Straat geiht dor an de K 68 ran. De K 68 löppt in’n Süüdwesten na Spiek un in’n Oosten na Noordholt un is dor an de Landsstraat 135 anslaten.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt so ölven Kilometer in’n Süüdoosten von dat Spieker Neefeld an de K 14.
De nächste Bahnhoff is so bi söss Kilometer wied weg in’n Süüdoosten de Bahnhoff Noordholt an de Bahnlien Bremerhoben–Cuxhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 162
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 568
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154