Amt Landwörden

Wapen	Koort

Grunddaten
Bestandstietruum:	1814–1879
Seet:	Deersdorp
Flach:	32,04 km²
Inwahners:	1492 (1870)
Inwahnerdicht:	46 (1870)
Updeelen:	1 Gemeen

Dat Amt Landwörden weer en Verwaltungsrebeed in dat Groothertogdom Ollnborg mit Seet in Deersdorp. Dor hett de Westen von de hüdige Gemeen Lox tohöört. 1870 weer dat Amt 32,04 km² groot un harr 1492 Inwahners.^[1]

Geografie

Dat Amt Landwörden weer dat eenzige Rebeed von dat Groothertogdom Ollnborg, dat op dat Oostöver von de Werser leeg.

In’n Noordoosten leeg dat Amt Leh, dat to dat Kurförstendom Hannover/Königriek Hannover tohören dee. In’n Oosten weer bet 1779 dat Amt Stotel-Vieland, dat na 1779 to dat Amt Leh höört hett. In’n Süden leeg de Landschop Oosterstood, de Deel von dat Amt Hagen weer. All disse Rebeden weren hannöversch. Dör de Werser aftrennt legen in’n Süüdwesten dat ollnbörgsche Amt Braak un in’n Noordwesten dat ollnbörgsche Amt Butjadingen.

Historie

Vör 1811 hett dat Rebeed de Vaagdie Landwörden in dat Hertogdom Ollnborg billt. 1811 hebbt denn de Franzosen Ollnborg annekteert un dat Amt Deersdorp hett denn de Mairie Deersdorp in’n Kanton Bremerleh billt un direkt to dat Franzöösche Kaiserriek höört. Nadem de Franzosen 1814 wedder aftagen sünd, is ut dat Hertogdom Ollnborg dat Groothertogdom Ollnborg worrn. Dat ne’e Amt Landwörden hett in’n Kreis Övelgünn legen.

1879 is dat Amt Landwörden oplööst worrn un weer denn Deel von dat Amt Braak.

Amtlüüd

Footnoten

↑ Gothaisches genealogisches Taschenbuch nebst diplomatisch-statistischem Jahrbuch. 1872, Sied 328

De Artikel „Amt Landwörden“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

Städer un Ämter in de Landdrostie Stood na 1852

Hartogdom Veern: Stadt Veern | Amt Rodenborg | Amt Snevern* | Amt Veern

Land Hadeln: Stadt Oterndörp | Amt Oterndörp

* bet 1859

[1] Gothaisches genealogisches Taschenbuch nebst diplomatisch-statistischem Jahrbuch. 1872, Sied 328

[1]