Caye Caulker
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.763 (2010) | |
| Geograafsche Laag: | Koordinaten:17° 45′ N, 88° 1′ W17° 45′ N, 88° 1′ W | |
|
| ||
Caye Caulker is en üm un bi 3,94 km² groot Eiland (Caye) in de Karibische See vör de Küst von Belize un gliektiedig en Gemeen in’n Distrikt Belize.
Dat liggt 30 Kilometer in’n Noordoosten von Belize-Stadt.
Geografie
ännernDat Caye liggt in dat Belize Barrier Reef. Dat is so üm un bi acht Kilometer lang, aver narms breder as 1,2 Kilometer. Eilannen ümto sünd Ambergris Caye in’n Noorden, Caye Chapel in’n Süden un de Hick’s Cayes in’n Süüdwesten. Dat Noordenn von dat Eiland is as Caye Caulker Forest Reserve schuult un de See ümto deelwies as Caye Caulker Marine Reserve.
De Naveröörd sünd San Pedro Town in’n Noorden un Caye Chapel in’n Süden.
De Ünnergrund besteiht ut en Sandbank över en Kalksteen-Ünnergrund. De höögste Punkt von Caye Caulker liggt bi 2,4 m över de See. Dat bedüüdt, dat dat Eiland dull von Hurrikans bedrauht is, de Caye Caulker kumplett överswemmen köönt.
Historie
ännernDat Eiland is in dat 19. Johrhunnert von Lüüd besiedelt worrn, de vör’n mexikaanschen Kastenkrieg flücht sünd.
1961 is Caye Caulker dör Hurrikan Hattie uteneenreten worrn. De Lück twüschen Süüddeel un Noorddeel warrt The Split nöömt. Bi’n Hurrikan sünd 13 Lüüd doodbleven.
Inwahnertall
ännern| Johr | Inwahners |
|---|---|
| 2000[1] | 630 Lüüd, 191 Huushollen |
| 2010[2] | 1.763 Lüüd, 555 Huushollen |
Weertschop un Infrastruktur
ännernDe Oort is vondaag kumplett dör’n Tourismus präägt, de in de Johren 1960 anfungen hett. Vörher weer vör allen de Fischeree von Belang.
Verkehr
ännern
Na dat Eiland gifft dat Lienverkehr per Boot von Belize-Stadt un von San Pedro Town.
Caye Caulker hett in’n Süden ok en egen Flegerplatz, den Caye Caulker Airport.
Footnoten
ännern- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
Weblenken
ännern
Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank