Flowers Bank
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 121 (2010) | |
| Geograafsche Laag: | Koordinaten:17° 37′ N, 88° 30′ W17° 37′ N, 88° 30′ W | |
|
| ||
Flowers Bank is en Gemeen in’n Distrikt Belize von dat Land Belize.
Geografie
ännernDe Oort liggt op dat Süüdoostöver von’n Belize River un an’n Rand von dat Community Baboon Sanctuary. Na Noorden to liggt dat Crooked Tree Wildlife Sanctuary. De Mussel Creek flütt knapp dree Kilometer in’n Oosten langs.
De Naveröörd sünd May Pen un Gardenia in’n Noordoosten, Maxboro in’n Oosten, Burrell Boom in’n Süüdoosten, Scotland Halfmoon in’n Süden, Bermudian Landing un Double Head Cabbage in’n Süüdwesten, Lemonal in’n Westen un Crooked Tree in’n Noordwesten.
Historie
ännern
De Oort is in dat 18. Johrhunnert von brietsche Baymen grünnt worrn. De Naam geiht woll trügg op’n brietschen Siedler William Flowers.
En wichtig Begeevnis för dat Sülvsverständnis von’n Oort un ok von Belize weer 1797, as in’n Engelsch-Spaanschen Krieg de brietsche Siedlung in Belize afstimmt hett, wat se dat Rebeed evakueren wüllt oder gegen de Spaniers stahn. 14 Lüüd ut Flowers Bank (de Flowers Bank Fourteen) sünd in Kanus na Belize-Stadt föhrt un hebbt dorför stimmt, gegen de Spaniers to stahn. De Afstimmung is 65 to 51 gegen dat Evakueren utgahn. 1798 hebbt de Briten denn in de Slacht von St. George’s Caye de Spaniers afwehrt.
Dat warrt as wichtigen Bidrag ansehn, den Bestand von Brietsch-Honduras un Belize to sekern.
Inwahnertall
ännern| Johr | Inwahners |
|---|---|
| 2000[1] | 98 Lüüd, 20 Huushollen |
| 2010[2] | 121 Lüüd, 31 Huushollen |
Weertschop un Infrastruktur
ännernDe Oort hett dör en Projekt von de Caribbean Development Bank tohoop mit de Regeren von Belize un Belize Water Services, dat von 2015 bet 2017 güng, Togang to fleten Water kregen.[3]
Verkehr
ännernDe eenzige Straat ut Flowers Bank rut föhrt na Scotland Halfmoon. Von dor geiht en Straat in’n Westen na Bermudian Landing, Double Head Cabbage un Rancho Dolores un in’n Oosten na Burrell Boom an’n Burrell Boom Cutoff. De Cutoff löppt in’n Noordoosten na’n Philip Goldson Highway un in’n Süden na’n George Price Highway bi Hattieville.
Footnoten
ännern- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
- ↑ Changing lives through water: the Belize River Valley story, Caribbean Development Bank an’n 10. November 2017
Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank