Burrell Boom
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 2.218 (2010) | |
| Geograafsche Laag: | Koordinaten:17° 34′ N, 88° 25′ W17° 34′ N, 88° 25′ W | |
|
| ||
Burrell Boom is en Gemeen in’n Distrikt Belize von dat Land Belize.
Bi de Gemeen höört ok de lüttjere Oort Buttercup mit bi.
Geografie
ännernDe Oort liggt an dat rechte Över von’n Belize River un an de Steed, an de de Burrell Creek in’n Belize River münnt.
De Naveröörd sünd Gardenia in’n Noorden, Sand Hill un Maxboro in’n Noordoosten, Gentleville in’n Oosten, Lord’s Bank un Ladyville in’n Süüdoosten, Tropical Park un Hattieville in’n Süden, Bermudian Landing in’n Westen un Flowers Bank un May Pen in’n Noordwesten.
Historie
ännern
De Naam von’n Oort kummt von en Boom in’n Belize River, de dor in dat 18. Johrhunnert spannt weer, üm dat Mahagoni, dat den Stroom dalflött worrn is, optohollen.
1837 hebbt de Methodisten Thomas Jefferies un John Greenwood en Kapell in Burrell Boom boot un ok de Katholiken hebbt dor bald Mission dreven.
Inwahnertall
ännern| Johr | Inwahners |
|---|---|
| 2000[1] | 1.074 Lüüd, 247 Huushollen |
| 2010[2] | 2.218 Lüüd, 617 Huushollen |
Weertschop un Infrastruktur
ännernDe Oort hett dör en Projekt von de Caribbean Development Bank tohoop mit de Regeren von Belize un Belize Water Services, dat von 2015 bet 2017 güng, Togang to fleten Water kregen.[3]
Verkehr
ännernDe Oort liggt an’n Burrell Boom Cutoff, wat en Straat is, de den George Price Highway bi Hattieville in’n Süden un den Philip Goldson Highway bi Gentleville in’n Noordoosten verbinnen deit, so dat de Verkehr nich dör Belize-Stadt dör mutt. Tosätzlich gifft dat en Straat in’n Westen, de na Bermudian Landing föhrt.
Footnoten
ännern- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
- ↑ Changing lives through water: the Belize River Valley story, Caribbean Development Bank an’n 10. November 2017
Weblenken
ännern
Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank