Hattieville (Belize)

Wapen/Flagg Koort
hett keen Wapen
Hattieville
Laag vun Hattieville in Belize
Basisdaten
Distrikt: Belize
Inwahners: 2.344 (2010-00-002010)
Hööchd: 59 m över de See
Geograafsche Laag:
Koordinaten:17° 27′ N, 88° 24′ W
17° 27′ N, 88° 24′ W

Karte

Hattieville is en Gemeen in’n Distrikt Belize von dat Land Belize. Bi de Gemeen höört ok de Oort Tropical Park mit bi.

Zentrum von Hattieville an’n George Price Highway
Mennonitenkark in Hattieville üm 1964

Geografie ännern

De Oort liggt an dat rechte Över von’n Hector Creek un üm un bi twee Kilometer weg von’n Sibun River.

De Naveröörd sünd Burrell Boom in’n Noorden, Tropical Park un Western Paradise in’n Noordoosten, Freetown Sibun in’n Süüdoosten, Rockville un Jih Chan in’n Süüdwesten un Double Head Cabbage un Bermudian Landing in’n Noordwesten.

Dat Land in’n Süden güntsied den Sibun River is allens Natur.

Historie ännern

De Oort is as Flüchtlingslager grünnt worrn, nadem an’n 31. Oktober 1961 de Hurrikan Hattie Belize swoor drapen hett. Dor kummt ok de hüdige Naam her.

In’n Oort liggt ok dat Belize Central Prison, dat eenzige Fängnis von dat Land Belize.

Inwahnertall ännern

Johr Inwahners
2000-00-002000[1] 1.465 Lüüd, 338 Huushollen
2010-00-002010[2] 2.344 Lüüd, 628 Huushollen

Weertschop un Infrastruktur ännern

Verkehr ännern

De Oort liggt an’n George Price Highway, de in’n Noordoosten över Western Paradise na Belize-Stadt löppt un in’n Süüdoosten na Belmopan. Von’n George Price Highway geiht in Hattieville na Noorden de Burrell Boom Cutoff af, de den George Price Highway mit’n Philip Goldson Highway verbinnt. En lüttjere Straat föhrt in’n Süüdoosten na Freetown Sibun.

Scholen ännern

De Oort hett en egen Grundschool, de von de Regeren von Belize bedreven warrt.

Footnoten ännern

  1. Zensus 2000 (PDF) von dat Central Statistical Office of Belize
  2. Zensus 2010 (PDF) von dat Statistical Institute of Belize

Weblenken ännern

  Hattieville (Belize). Mehr Biller, Videos oder Audiodateien to’t Thema gifft dat bi Wikimedia Commons.