Hönau-Lindörp
Hönau-Lindörp (hoochdüütsch Hönau-Lindorf) is en Dörp in de Gemeen Bremervöör, in’n Landkreis Rodenborg, Neddersassen.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 4,70 km² | |
| Inwahners: | 501 (31. Januar 2015) | |
| Inwahnerdicht: | 106,6 Inwahners pro km² | |
| Postleettall: | 27432 | |
| Vörwahl: | 04761 | |
| Geograafsche Laag: | Koordinaten:53° 32′ N, 9° 8′ O53° 32′ N, 9° 8′ O | |
 | ||
|
| ||
Geografie
ännernDe Naveröörd sünd Neendamm un Isheim in’n Noorden, Ottendörp in’n Noordoosten, Neer-Ochenhusen in’n Oosten, Bremervöör in’n Süden, Koornbeek un Glinn in’n Süüdwesten un Mehdörp in’n Westen.
Historie
ännernLindörp un Hönau sünd 1776 un 1780 as Moorkolonien in de Form von en Stratendörp grünnt worrn.
Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.
An’n 1. April 1929 sünd de Öörd Hönau un Lindörp mit Neendamm un Isheim to de Gemeen Sanddamm tohoopleggt worrn. Disse Gemeen hett sik mit’n 1. Oktober 1949 wedder oplööst, aver Hönau un Lindörp sünd dorbi as een Gemeen tohoopbleven.[1]
Hönau-Lindörp is 1974 bi de Gemeenreform in Neddersassen mit de Gemeen Bremervöör tohoopleggt worrn.
Inwahnertall
ännern| Johr | Inwahners |
|---|---|
| 1824[2] | Lindörp: 12 Füürsteden, Hönau: 21 Füürsteden |
| 1848[3] | Lindörp: 131 Lüüd, 16 Hüüs, Hönau: 27 Hüüs, 184 Lüüd |
| 1. Dezember 1910[4] | Lindörp: 161, Hönau: 172 |
| 1. Oktober 1949[1] | 460 |
| 1. März 2005 | 515 |
| 31. Dezember 2009[5] | 507 |
| 31. Januar 2015[6] | 501 |
Religion
ännernHönau-Lindörp is evangeelsch-luthersch präägt un höört to dat Kaspel von de Findörp-Kark in Isheim. Bet 1965 hett de Oort noch to dat Kaspel von de Liborius-Kark in Bremervöör höört. As in dat Johr de Auferstehungskark in Bremervöör nee boot worrn is, is disse Kark för den Oort tostännig ween. Eerst 1994 is de Findörp-Kark egenstännige Karkengemeen worrn un sietdem höört Hönau-Lindörp na Isheim.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Politik
ännernHönau-Lindörp hett binnen de Gemeen Bremervöör en egen Oortsraad mit söven Maten. Oortsbörgermeester is Herbert Buck.
Wapen
ännernDat Wapen wiest op gollen Grund, dör en roden Striepen deelt, baven dree gröne Bläder un ünnen en swarten Törfescher.
Weertschop un Infrastruktur
ännern
De freewillige Füürwehr Hönau-Lindörp is 1921 grünnt worrn.
De Volksbank Oosterholt-Scharmbeek hett in Hönau-Lindörp in de Straat An’n Lintel 3 en Filiaal.
Verkehr
ännernHönau-Lindörp liggt as Stratendörp an de Lindauer Straat, de Kreisstraat 105, de in’n Noorden na Isheim geiht un in’n Süden in Bremervöör an de Bundsstraat 74/71 ranlöppt. En lüttjere Straat geiht ans noch na Neer-Ochenhusen.
Literatur
ännern- 200 Jahre Hönau-Lindorf. 1776-1976. 1976
Footnoten
ännern- ↑ a b Neues Archiv für Niedersachsen. Band 3, W. Dorn, 1949, Sied 871
- ↑ C. H. Jansen: Statistisches Handbuch des Königreichs Hannover. 1824, Sied 376, 282: http://books.google.de/books?id=tG0AAAAAcAAJ&pg=PA376
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132, 151: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ Bremervörde und die Ortschaften, archiveert in dat Internet Archive
- ↑ Bremervörde und die Ortschaften
Weblenken
ännern
- Websteed to dat Dörp (hoochdüütsch)
Bevern | Bremervöör | Heesdörp | Hönau-Lindörp | Isheim | Mehdörp | Minst | Neer-Ochenhusen | Öölm | Oostendörp | Plönjeshusen | Sprekens