Bundsautobahn 7

(wiederwiest vun Opfohrt 38 (A 7))

De Bundsautobahn 7 (Afk.: BAB 7, in Kortform ok A 7 nöömt) is en Autobahn in Düütschland, de vun Noord na Süüd, vun de däänsche Grenz bi Ellund bit na de öösterrieksche Grenz bi Füssen löppt. Se geiht dorbi dweer dör de Bundslänner Sleswig-Holsteen, Hamborg, Neddersassen, Hessen, Bayern un Baden-Württemberg. Mit en Läng vun 945,6 km is se opstunns de längste Autobahn in Düütschland un de längste natschonale Autobahn in Europa.

Stratenschild vun de A 7
Verloop vun de A 7

Verloop ännern

 
Rader Hoochbrüch över’n Noord-Oostsee-Kanal

De hüütige BAB 7 folgt op de Streck twüschen Flensborg un Hamborg den histoorschen Ossenweg un is ok in Hensicht op de weertschoppliche Bedüden as Hannelsweg vun Skandinavien na Süüden as den sien Nafolger antosehn. Twüschen de Anslussteden Tarp un Oowschlag is de Autobahn op twee Afsnitten för militäärschen Bruuk as Autobahn-Helpsflaagplatz utboet. Bi Rendsborg geiht de A 7 op de 1498 m langen Europabrüch över’n Noord-Oostsee-Kanal. Dat is de tweetlängste Stratenbrüch ut Stahl vun Düütschland.

Dat gifft twüschen de Hamborger Landsgrenz un de Anslusssteed Koldenkarken as ok twüschen de Anslusssteed Niemünster-Süüd un dat Autobahndreeeck Bordesholm de Mööglichkeit, in Richt na Noorden de Standspoor mit Help vun Verkehrsleddsystemen as drüdden Fohrstriepen freetogeven. Dat warrt sünners in de Sommerwekenennen maakt, üm bi starken Verkehr na Däänmark Staus to hinnern.

 
Noordinfohrt vun’n Ilvtunnel

In Hamborg löppt de BAB 7 in’n ne’en Ilvtunnel ünner de Ilv dör. De Tunnel wiest ik jümmer wedder as en Drangsteed, liekers dat dor acht Sporen praat staht. De Verkehrwarrt in en Rebeet bit to twintig Kilometer vör de Tunnelinfohrten vun de Tunnelbedrievssteed, de den helen Dag lang besett is, stüert un kontrolleert. Nipp un nau in’n Ansluss an den Tunnel föhrt de Autobahn op de mit 4359 m längste Brüch vun Düütschland – de Hoochstraat Ilvmarsch – över den Hamborger Haven, bit se bi de Harborger Bargen ankummt.

 
Krüüz Hannober/Kirchhorst mit der A 37

En Drangsteed gifft dat ok twüschen de AS Soltau-Oost un dat Autobahndreeeck Wasra, wo dat blots twee Sporen in jede Richt gifft. In de Ferientiet kummt dat hier faken to Staus. Siet den Sommer 2005 is op dissen Afsnitt nu en Verkehrsleddsystem opboet, so dat de Standspoor ok hier freegeven warrn kann, wenn dat nödig deit. Twüschen dat Autobahndreeeck Hannober-Noord un Hilmessen is de Autobahn op dree Sporen in jede Richt verbredert worrn. Dat schall ok op den Afsnitt twüschen dat AD Soltgitter un de AS Chöttingen angahn warrn.

 
Nootbremsweg för LKW vör de Werradaalbrüch

Vun Chöttingen bit wieter na’t Hattenbacher Dreeeck in Hessen is de A 7 al sösssporig utboet. Twüschen Hannöversch Münnen/Hädemünden un Hannöversch Münden/Lutterberge löppt de A 7 in ruchweg 60 m Hööch op de 416 m langen Werradaalbrüch över de Werra. Twüschen de AS Kassel-Oost, de to en Autobahndreeeck ümboet warrt, wenn de Verlängern vun de A 44 vun Kassel na Iesenack fardigstellt is, un’t Dreeeck Kassel-Süüd is en Utbo op acht Sporen plaant.

In’n wieteren Verloop löppt de A 7 twüschen Bad Windsheim un Feuchtwangen dör dat westliche Rebeet vun de Frankenhööch un twüchen Aalen un Ulm dör den ööstlichen Deel vun de Schwäbschen Alb. Twüschen de Anslusssteden Dinkelsbühl/Fichtenau un Ellwangen liggt de Virngrundtunnel. En wieter’t Tunnelbowark is mit den Agnesburgtunnel twüschen Aalen/Westhausen un Aalen/Oberkochen boet worrn. an den letzten slutt sik de mehrere Kilometer lange Albopstieg an. Sien Bo weer vun wegen de MIddelbargen-Laag bannig opwännig. För den Tunnel un den Opstieg sünd Kosten in Hööch vun 150 Mio. DM (üm un bi 77 Mio. €) tosamenkamen.

En Sünnerfall is de Anbinnen an de Bundsstraat 28, de över’t Autobahndreeeck Hittistetten vunstatten geiht. Vun’t Dreeeck ut is de B 28 bit Ulm vullstännig as Autobahn utschillert un boet. An sik müss de Anbinnen vun de A 7 an de Bundsstraat as Anslusssteed betekent warrn, liekers warrt se offiziell Autobahndreeeck nöömt.

Ruchweg 15 km nöördlich vun’t Autobahnkrüüz Memmingen liggt in Fohrtricht Ulm de Raststeed Illertal Oost, wat opstunns de eenzige Kunstraststeed in Düütschland is. Se is vun den Öösterrieker Herbert Maierhöfer ut Birkfeld gestalt worrn.

De A 7 höört opstunns bi Nesselwang op. Man, an den Utboe bit to’n Grenztunnel Füssen warrt al boet.

Streckenafsneden as Europastraat ännern

De BAB 7 is op dree Streckenafsnitten Deel vun verscheden Europastraten:

  • E 45: Ellund – Autobahnkrüüz Biebelried
  • E 43: Autobahnkrüüz Biebelried – Autobahnkrüüz Memmingen
  • E 532: Autobahnkrüüz Memmingen – Füssen

Bohistorie ännern

De A 7 hett de vörmoligen Rieks- un Bundsstraten 5 (Däänmark–Hamborg), 3 (Hamborg–Kassel) un 27 (Chöttingen–Würzburg) as Feernverbinnen aflööst, de vör sik ok wedder op Vörlöpers ut dat Middelöller torüch gahn sünd. Den Plaan vun en Snellstraat vun Hamborg na Süüden geev dat in’n Rahmen vun de HaFraBa al siet 1926. Dit Projekt gellt as de Vörlöper vun de Bundsautobahn 7 twüschen Hamborg un dat Hattenbacher Dreeeck.

De eerste Streckenafsnitt is 1937 twüschen Kassel un Chöttingen för den Verkehr freegeven worrn (Kiek dorvör den Hööftartikel: Autobahnbo in Noordhessen (1933-1945)).

För den Afsnitt Bad HersfeldWürzburg (ok Streck 46 nöömt) sünd in de Tiet vun 1937 bit 1939 en Reeg vun Brüchen boet worrn. Man, dat Deelstück is eerst 1968 wedder op en licht ännerte Streckenföhren apen maakt worrn. Eenige Brüchen vun de Streck 46 gifft dat in’n Spessart noch. Se staht vundaag ünner Denkmalschuul.

In en „Vörplaan to en Kraftwagenstratennett in Düütschland“ vun de „Studiensellschop för Automobilstratenbo (STUFA)“ vun 1926 weer en Feernstraat Würzburg–UlmLindau vörsehn. De Enkelheiten sünd twüschen 1935 un 1941 plaant worrn. 1969 hebbt sik de Länner Bayern un Baden-Württemberg op en Streckenföhren parallel to de B 19 eenigt. De Penunsen dorför weern aver eerst in de 1980er Johren praatstellt. De Bo ist denn aver in ungewöhnlich korte Tiet fardigstellt worrn.

Boanstalten ännern

Överdeckeln vun Altona ännern

As de Plaan maakt worrn is för de veerte Röhr vun’n ne’en Ilvtunnel, hebbt de Anwahners in de Hamborger Stadtdelen Othmarschen un Bahrenfeld en beteren Larmschuul foddert, vun wegen dat dör den Utbo noch mehr Verkehr opkamen künn. As Resultat vun en Studie un vun vele Verhanneln is vör de nöördliche Infohrt en dree Kilometer lange Överdeckeln vun de Autobahn vörslahn worrn. Dorop schülln de siet negentig Johren betsahn Lüttgoorns ümlagert warrn un dorför sorgen, dat de Stadtdelen, de dör de Autobahn scheedt woorn sünd, wedder tohopenwasst. Dat Geld för dissen Bo schüll vör allen dör den Verkoop vun de vörmoligen Lüütgoornflachen as Wahn- un Gewarfruum rinkamen.

De Middel för de Överdeckeln sünd vun’n Bund al freegeven worrn. De Plaan hett vörsehn, dat de Boarbeiten 2008 anfangen schülln. Nu hett de aktuell in Hamborg regeeren Senat vun CDU un Gröne de Överdeckeln an en veersporigen Utbo knütt. Dordör is dat nu nich mehr klor, wanneer dat losgahn schall.

Sösssporig Utbo vun de „Noordass“ ännern

De A 7 schall vun 2010 an vun’t Autobahndreeck Bordesholm bit na de Anslussteed Snelsen-Noord vun veer op söss Sporen utboet warrn. De Grund dorför is, dat de ne’e „Noord-West-Autobahn“ A 20 in Hööch vun Bad Bramstedt över en Autobahnkrüüz an de A 7 anbunnen warrn schall un de Fohrsporen in Hamborg sülvst op acht Sporen utwiet warrn schüllt.

Lückensluss bi Füssen ännern

De Grenztunnel na Öösterriek bi Füssen is in’n Juli 1999 apen maakt worrn. Disse Tunnel schall de Gemenen ümto entlasten, vör allen in de Urlaubstiet, wenn dat Verkehrsopkamen sünners hooch is. To Tiet warrt de Verkehr aver vun’t Autobahnenn bi Nesselwang över verscheden Strecken för PKW un LKW to’n Tunnel föhrt, so dat dat faken Staus gifft. En Deelstück vun 15 km Läng schall disse Lück to maken. Bit Mitt 2009 schall de Fohrbahn freegeven warrn.

Opfohrten ännern

  (1)  Grenzövergang Ellund
  (2)  Flensborg/Harrsle    
  (3)  Flensborg  
  (4)  Tarp
  (5)  Sleswig/Schuby  
  (6)  Sleswig/Jagel  
  (7)  Oowschlag
  (8)  Rendsborg/Büdelsdörp  
  (9)  Krüüz Rendsborg  
  (10)  Warder
  (11)  Bosholm
  (12)    Dreeeck Bosholm  
  (13)  Niemünster-Noord
  (14)  Niemünster-Midd  
  (15)  Niemünster-Süüd    
  (16)  Grotenass
  (17)  Braamsteed  
  (18)  Kolenkarken
  (19)  Heensteed-Ulzborg  
  (20)  Ellerau
  (21)  Quickborn
  (22)  Noordersteed-Garsteed
  (23)  Hamborg-Schnelsen Noord    
  (24)  Hamborg-Schnelsen  
  (25)  Dreeeck Hamborg-Noordwest  
  (26)  Hamborg-Stellingen    
  (27)  Hamborg-Volkspark
  (28)  Hamborg-Bahrenfeld  
  (29)  Hamborg-Othmarschen
  (30)  Hamborg-Waltershoff  
  (31)  Hamborg-Moorborg
  (32)  Hamborg-Heimfeld  
  (33)    Dreeeck Hamborg-Süüdwest  
  (34)  Hamborg-Marmsdörp  
  (35)  Seevdaal-Fleest  
  (36)  Maschener Krüüz      
  (37)  Hoster Dreeeck    
  (38)  Seevdaal-Ramßel
  (39)  Thieshoop
  (40)  Garlstörp
  (41)  Äästörp (plaant: Dreeeck Äästörp  )
  (42)  Ebendörp
  (43)  Bissen
  (43a)  Snevern   2014 nee
  (44)  Soltau-Oost      
  (45)  Soltau-Süüd    
  (46)  Dörpmark  
  (47)  Fambossel  
  (48)  Dreeeck Wasra    
  (49)  Westenholt
  (50)  Swarms    
  (51)  Berkhof
  (52)  Mellendörp  
  (53)    Dreeeck Hannover-Noord 
  (54)  Groten Boorwee
  (55)  Oltwarmbeuken
  (56)  Krüüz Hannover/Kerkhost  
  (57)  Krüüz Hannover-Oost    
  (58)  Hannover-Anderten  
  (59)  Laatzen  
  (60)    Dreeeck Hannover-Süüd  
  (61)  Hilmssen-Drispenstie  
  (62)  Hilmssen  
  (63)  Dernborg/Soltgitter  
  (64)    Dreeeck Soltgitter  
  (65)  Bokeln    
  (66)  Rhuien    
  (67)  Seesen  
  (68)  Echte  
  (69)  Nuurten-Noord    
  (70)  Nuurten-West  
  (71)  Nörten-Harenbarg  
  (72)  Göttingen-Noord  
  (73)  Göttingen  
  (74)  Dreeeck Drammetal  
  (75)  Hannöversch Münnen-Hädemün
  (76)  Hannöversch Münnen/Staufenberg-Lutterberge    
  (77)  Kassel-Noord  
  (78)  Kassel-Oost  
  (79)  Krüüz Kassel-Midd    
  (80)  Dreeeck Kassel-Süüd    
  (81)  Guxhagen  
  (82)  Melsungen  
  (83)  Malsfeld  
  (84)  Homberg (Efze)  
  (85)  Bad Hersfeld-West  
  (86)  Kirchheimer Dreeeck    
  (87)  Kirchheim    
  (88)  Hattenbacher Dreeeck    
  (89)  Niederaula  
  (90)  Hünfeld/Schlitz
  (91)  Fulda-Noord    
  (92)  Fulda-Midd  
  (93)  Dreeeck Fulda  
  (94)  Bad Brückenau/Volkers  
  (95)  Bad Brückenau/Wildflecken  
  (96)  Bad Kissingen/Oberthulba
  (97)  Hammelburg  
  (98)  Wasserlosen  
  (99)  Krüüz Schweinfurt/Werneck    
  (100)  Gramschatzer Wald  
  (101)  Würzburg/Estenfeld  
  (102)  Krüüz Biebelried      
  (103)  Kitzingen  
  (104)  Marktbreit
  (105)  Gollhofen    
  (106)  Uffenheim/Langensteinach
  (107)  Bad Windsheim  
  (108)  Rothenburg ob der Tauber
  (109)  Wörnitz  
  (110)  Krüüz Feuchtwangen/Crailsheim    
  (111)  Feuchtwangen-West/Schopfloch  
  (112)  Dinkelsbühl/Fichtenau
  (113)  Ellwangen  
  (114)  Aalen/Westhausen  
  (115)  Aalen/Oberkochen
  (115a)  Heidenheim-Noord
  (116)  Heidenheim  
  (117)  Giengen/Herbrechtingen    
  (118)  Niederstotzingen
  (119)  Langenau
  (120)  Krüüz Ulm/Elchingen    
  (121)  Nersingen  
  (121a)  Neu-Ulm
  (122)  Dreeeck Hittistetten  
  (123)  Vöhringen  
  (124a)  Illertissen Noord
  (124)  Illertissen
  (125)  Altenstadt
  (126)  Dettingen a. d. Iller
  (127)  Berkheim  
  (128)  Krüüz Memmingen      
  (129)  Memmingen-Süüd  
  (130)  Woringen
  (131)  Bad Grönenbach  
  (132)  Dietmannsried
  (133)  Kempten-Leubas  
  (134)  Kempten  
  (135)  Betzigau
  (136)  Dreeeck Allgäu  
  (137)  Oy-Mittelberg  
  (138)  Nesselwang
  (139)  Füssen  
  (140)  Grenzövergang Füssen

Weblenken ännern

  Bundsautobahn 7. Mehr Biller, Videos oder Audiodateien to’t Thema gifft dat bi Wikimedia Commons.