Wapen/Flagg Koort
Wapen unbekannt
Rockst
Laag vun Rockst in Düütschland
Basisdaten
Bundsland: Neddersassen
Landkreis: Rodenborg
Samtgemeen: Sürsen
Gemeen: Oostereis
Flach: 14 km²
Inwahners:
Hööchd: 21 m över NN
Postleettall: 27404
Vörwahl: 04285
Geograafsche Laag:
Koordinaten:53° 20′ N, 9° 10′ O
53° 20′ N, 9° 10′ O

Karte

Rockst (hoochdüütsch Rockstedt) is en Dörp in de Gemeen Oostereis in’n Landkreis Rodenborg, Neddersassen.

Geografie ännern

Rockst liggt op de Geest an dat linke Över von de Oost. In’n Noordwesten liggt dat Huvenhoopsmoor un in’n Süüdoosten hett de Rummeldeisbeek sien Born.

De Naveröörd sünd Granst un Laamst in’n Noordoosten, Eitzmöhlen un Godenst in’n Oosten, Oostereis in’n Süden, Rohreis in’n Süüdwesten un Rhaar in’n Westen.

Historie ännern

Rockst kummt 1153 as Rocstede toeerst in de Oorkunnen vör, as de Veernsche Bischop Harm von Veern de Teegd von Annerlingen un Rockst an de Doomgeistlichkeit von Veern schunken hett.

In’n Eersten Weltkrieg sünd söven Soldaten ut Rockst fullen oder vermisst[1].

Verwaltungsgeschicht ännern

De Oort hett vör 1885 to de Böörd Sürsen in dat Amt Zeven tohöört. Na 1885 weer dat in’n Kreis Zeven un na 1932 in’n Kreis Bremervöör. 1977 is dat Deel von’n Landkreis Rodenborg worrn.

1859 schull de Oort mit de ganze Böörd Sürsen in dat Amt Bremervöör wesseln, aver Rockst is dör en Verordnung von’n 22. Juni 1859 doch wedder in dat Amt Zeven trüggwesselt.[2]

Rockst is 1974 Deel von de Gemeen Oostereis worrn. De Gemeen Rockst weer von 1965 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.

Inwahnertall ännern

Johr Inwahners
1824-00-001824[3] 15 Füürsteden
1848-00-001848[4] 174 Lüüd, 28 Hüüs
1910-12-011. Dezember 1910[5] 228
1925-00-001925[6] 270
1933-00-001933[6] 269
1939-00-001939[6] 284

Religion ännern

Rockst is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur ännern

En Denkmaal för de Fullenen ut de twee Weltkrieg’ steiht in Sürsen bi de Kark.

Verenen ännern

De Schüttenvereen Rockst is 1930 grünnt worrn un fiert sien Schüttenfest an dat drüdde Wekenenn in’n Juni. De Freewillige Füürwehr is 1950 grünnt worrn.

Infrastruktur ännern

Verkehr ännern

Rockst liggt an de Kreisstraat 119, de in’n Westen na Rhaar un an de Landsstraat 122 ran löppt un in’n Noordoosten över Granst na Sürsen un an de Bundsstraat 71 ran geiht. In’n Oosten geiht de K 143 över Godenst na Zeven un in’n Süden de K 137 na Oostereis.

De nächsten Bahnhööv sünd de Bahnhoff Bremervöör un de Bahnhoff Heesdörp an de Bahnlien Bremerhoben–Buxthu, de wat över 15 Kilometer in’n Noorden liggen doot.

Literatur ännern

  • Johann Gerdts, Berthold Cordes: Rockstedt – Ein kleines Dorf an der Oste, Gemeen Oostereis 2001
  • Berthold Cordes, Johann Gerdts: 850 Jahre Rockstedt. Gemeen Oostereis 2003
  • Berthold Cordes: Festschrift 50 Jahre Freiwillige Feuerwehr Rockstedt (1950–2000). Freewillige Füürwehr Rockst 2000

Footnoten ännern

  1. http://www.denkmalprojekt.org/dkm_deutschland/selsingen_1870-71_wk1u2_ns.htm
  2. Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
  3. C. H. Jansen: Statistisches Handbuch des Königreichs Hannover. 1824, Sied 516: http://books.google.de/books?id=tG0AAAAAcAAJ&pg=PA516
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  5. http://www.gemeindeverzeichnis.de/gem1900/gem1900.htm?hannover/zeven.htm
  6. a b c http://www.verwaltungsgeschichte.de/bremervoerde.html