Eitzmöhlen

lütten Oort in de Gemeen Sürsen, Landkreis Rodenborg, Neddersassen
Wapen/Flagg Koort
hett keen Wapen
Eitzmöhlen
Laag vun Eitzmöhlen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Sürsen
Gemeen: Sürsen
Inwahners:
Postleettall: 27446
Vörwahl: 04284
Geograafsche Laag:
Koordinaten:53° 20′ N, 9° 12′ O
53° 20′ N, 9° 12′ O

Karte

Eitzmöhlen (hoochdüütsch Eitzmühlen) is en lütten Oort in de Gemeen Sürsen (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Lahmst mit bi un dor to Eitzt.

Watermöhl
Möhlrad von de Watermöhl

Geografie ännern

Eitzmöhlen liggt an de Oost.

De Naveröörd sünd Sürsen un Seedörp in’n Noordoosten, Godenst in’n Süüdoosten, Oostereis in’n Süüdwesten, Rockst in’n Westen un Lahmst un Granst in’n Westen.

Historie ännern

Eitzmöhlen is as Watermöhl an de Oost anleggt worrn. In de Oorkunnen kummt se in de Tied üm 1300 toeerst vör. De Möhl hett fröher dat Klooster Zeven tohöört. 1858 hett de Möller Hinrich Burfeind de Möhl köfft, de ehr aver al 1862 wedder verköfft hett an Jürgen Hinrich Hagenah. He hett de Möhl an’n Möller Meisterknecht verpacht un ehr 1864 utboon laten.

An’n 10. Februar 1941 hett de Watermöhl dör Iesgang so swore Schadens afkregen, dat se nich mehr lopen dee. 1991 hett de Möhlenvereen Sürsen de Möhl köfft un ehr in de Johren 1993 bet 1997 restaureert. Siet 1. April 1998 is de Landfroonvereen Sürsen Pächter von de Möhl. Dor warrt vondaag en Café in bedreven.

Verwaltungsgeschicht ännern

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.

De Oort is an’n 1. März 1974 as Deel von de Gemeen Lahmst mit de Gemeenreform in Neddersassen an de Gemeen Sürsen kamen.

Inwahnertall ännern

Johr Inwahners
1793-00-001793[1] 1 Füürsteed
1824-00-001824[2] 1 Füürsteed
1848-00-001848[3] 11 Lüüd, 1 Huus
1871-12-011. Dezember 1871[4] 13 Lüüd, 2 Hüüs

Religion ännern

Eitzmöhlen is evangeelsch-luthersch präägt un höört to dat Kaspel von de St.-Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur ännern

Verkehr ännern

Eitzmöhlen is över Lahmst, de Kreisstraat 147 un de K 119 mit Sürsen un de Bundsstraat 71 verbunnen, de in’n Noordwesten na Bremervöör geiht un in’n Süüdoosten na Zeven un Rodenborg. In’n Süden geiht en lüttjere Straat na de K 143, de na Rockst un Godenst löppt.

De nächste Autobahn is de Autobahn 1. De Opfohrt 48 Elsdörp liggt so 16 Kilometer in’n Süüdoosten von Eitzmöhlen.

De nächste Bahnhoff is so bi 18 Kilometer wied weg in’n Noorden de Bahnhoff Heesdörp an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Godenst veer Kilometer in’n Süüdoosten. Dor hett dat von 1890 bet 1968 Personenverkehr geven.

Footnoten ännern

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 66: https://books.google.de/books?id=jN5QAAAAcAAJ&pg=RA1-PA66
  2. C. H. Jansen: Statistisches Handbuch des Königreichs Hannover. 1824, Sied 164: http://books.google.de/books?id=tG0AAAAAcAAJ&pg=RA1-PA164
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 145: https://books.google.de/books?id=qTZDAQAAMAAJ&pg=RA2-PA145

Weblenken ännern

  Eitzmöhlen. Mehr Biller, Videos oder Audiodateien to’t Thema gifft dat bi Wikimedia Commons.