Sootel
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 12,60 km² | |
| Inwahners: | 202 (30. September 2009) | |
| Inwahnerdicht: | 16 Inwahners pro km² | |
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 14′ N, 9° 27′ O53° 14′ N, 9° 27′ O | |
|
| ||
Sootel (hoochdüütsch Sothel) is en Dörp in de Gemeen Scheeßl in’n Landkreis Rodenborg, Neddersassen.
Geografie
ännernAn Sootel flütt de Sooteler Beek langs, de een Kilometer in’n Noorden in’n Alpershusener Möhlenbeek münnt. In’n Westen von’n Oort liggt dat Hatzer un Sooteler Moor.
De Naveröörd sünd Alpershusen in’n Noorden, Homersen un Appel in’n Noordoosten, Helsch un Hunhorn in’n Süüdoosten, Wenkeloh un Westeresch in’n Süden, Olenhöben un Wittkopsbossel in’n Süüdwesten, Bockhorst in’n Westen un Hatz in’n Noordwesten.
Historie
ännernIn’n Tweten Weltkrieg sünd twölv Soldaten ut Sootel fullen oder vermisst.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Böörd Zittens in dat Amt Zeven tohöört. 1852 müss dat Amt Zeven de Gemeen denn aver an dat Amt Rodenborg afgeven. Na 1885 weer Sootel in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.
Von 1964 bet 1974 weer de Gemeen Sootel Maat von de Samtgemeen Scheeßl. De Oort is an’n 1. März 1974 mit de Gemeenreform in Neddersassen Deel von de Gemeen Scheeßl worrn. Dorbi sünd de Gemeen Sootel un de Samtgemeen Scheeßl oplööst worrn.
Inwahnertall
ännern| Johr | Inwahners |
|---|---|
| 1793[2] | 10 Füürsteden |
| 1824[3] | 6 Füürsteden |
| 1848[4] | 120 Lüüd, 17 Hüüs |
| 1. Dezember 1871[5] | 112 Lüüd, 18 Hüüs |
| 1. Dezember 1910[6] | 100 |
| 1925[7] | 136 |
| 1933[7] | 149 |
| 1939[7] | 164 |
| 30. September 2009 | 202 |
Religion
ännernSootel is evangeelsch-luthersch präägt un höört to dat Kaspel von de Lucas-Kark in Scheeßl.
För de Kathoolschen is de Corpus-Christi-Kark in Rodenborg tostännig.
Börgermeesters
ännern- 1966–1967: Hermann Dodenhof
- 1972–1974: Hermann Dodenhof
Kultur
ännernEn Denkmaal för de Fullenen ut den Tweten Weltkrieg in Form von Holttafeln mit de Naams hängt in Scheeßl in de Kark.
Verenen
ännernSootel hett en Schüttenvereen, de 1919 grünnt worrn is.
Weertschop un Infrastruktur
ännernSootel hett en egene freewillige Füürwehr, de 1935 grünnt worrn is.
Verkehr
ännernDör Sootel löppt de Kreisstraat 219, de in’n Süüdwesten över Wittkopsbossel na Hetzweeg an de Landsstraat 131 ran geiht un in’n Noordoosten na Homersen an de Landsstraat 130. In’n Oosten geiht de K 226 bi Helsch an de L 130 un in’n Süden de K 225 na Westeresch an de L 131. De L 130 geiht in’n Noordoosten na Zittens un in’n Süden na Scheeßl an de Bundsstraat 75. De L 131 löppt in’n Noordwesten na Elsdörp un Zeven an de Bundsstraat 71 un in’n Süüdoosten na Scheeßl an de B 75.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so negen Kilometer in’n Noordoosten von Sootel.
De nächsten Bahnhööv sünd so bi negen Kilometer wied weg in’n Süüdoosten de Bahnhoff Scheeßl un de Bahnhoff Lauenbrüch an de Bahnlien Hamborg–Bremen.
Footnoten
ännern- ↑ http://www.denkmalprojekt.org/2009/scheessel_kirche_wk1u2_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 213: https://books.google.de/books?id=jN5QAAAAcAAJ&pg=PA213
- ↑ C. H. Jansen: Statistisches Handbuch des Königreichs Hannover. 1824, Sied 566: http://books.google.de/books?id=tG0AAAAAcAAJ&pg=PA566
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
- ↑ http://www.gemeindeverzeichnis.de/gem1900/gem1900.htm?hannover/rotenburg.htm
- ↑ a b c http://www.verwaltungsgeschichte.de/rotenburg.html
Abbendörp-Hetzweeg | Badlsdörp | Jeersdörp | Oostervees | Scheeßl | Sootel | Westeresch | Westerholt | Westervees | Wittkopsbossel | Wohlsdörp