Heemsbünnen

Heemsbünnen is en Gemeen in’n Landkreis Rodenborg (Wümm) in Neddersassen, de to de Samtgemeen Bootel höört. De Gemeen hett 1203 Inwahners (Stand 31. Dezember 2021).

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Bootel

Flach:

22,33 km²

Inwahners:

1203 (31. Dezember 2021)

Hööchd:

28 m över de See

Postleettall:

27386

Vörwahl:

04266, (04260, 04261)

Geograafsche Laag:

Koordinaten:53° 6′ N, 9° 28′ O53° 6′ N, 9° 28′ O

Grenzen bi OSM:

965600

Gemeenslötel:

03 3 57 024

Öörd in de Gemeen:

5

Börgermeester:

Ludgerus Brinker (CDU)

Websteed:

www.bothel.de/hemsbuende/hb-default.htm

Koort

Kreis

Heemsbünnen in’n Landkreis Rodenborg (Koort lett sik anklicken)

GeologieÄnnern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

GeografieÄnnern

Heemsbünnen liggt in’n süüdlichen Deel vun’n Landkreis Rodenborg (Wümm) twüschen de Eenheitsgemenen Rodenborg (Wümm) in’n Noorden un Visselhöövd in’n Süüden. Op de süüdwestliche Siet grenzt den Gemeen Karkwals an un in’n Oosten de Gemenen Bootel un Brookel. De Karnoort tohopen mit de veer annern Oortsdelen warrt faken as Waterdörper betekent vun wegen de velen Waterlööp in’t Rebeet.

HistorieÄnnern

De Gemeen Heembünnen is siet 1971 Deel vun de dormols nee grünnt Samtgemeenn Bootel. Vörher al sünd de hüütigen Oortsdelen Hassel un Hast na Heemsbünnen ingemeendt worrn.

PolitikÄnnern

OortsdelenÄnnern

Hassel
Hast
Heemsbünnen
Worth

GemeenraatÄnnern

De Gemeenraat vun Heemsbünnen sett sik mit den Börgermeester ut 11 Lüüd tohopen. De letzte Kommunalwahl weer 2016

Partei	2016	2011	2006
CDU	4	5	6
SPD	5	3	3
WWH	2	3	2

WapenÄnnern

Dat Wapen vun de Gemeen wiest op golden Grund ünnen veer blaue Bülgenbalkens un baven en swart-witt befachten Gevel vun en Neddersassenhuus mit en root Dack. Vör dat Huus staht veer rode Steenpütt.

KulturÄnnern

In de Gemeen gifft dat en Reeg vun Verenen, ünner annern den Schüttenvereen Waterdörper, den TuS Heemsbünnen, de Theatergrupp Heemsbünnen oder de Singgemeenschop Heemsbünnen. Butendem sind ok en Fronsgrupp un de Seniorengrupp „Rundüm den Bullensen“ organiseert, as ok de Agenda 21 – Waterdörper.

WeertschapÄnnern

De Gemeen is en Standoort för twee grote Bedrieven, de Holt verarbeiten doot. De Landweertschap hett in de verleden Johren jümmer mehr an Bedüden verloren, man dorför nimmt Andeel an Frömdenverkehr in de Region to.

VerkehrÄnnern

De Gemeen Heemsbünnen warrt vun de B 71 dörlopen, de in’n Noorden na Rodenborg (Wümm) geiht un wieter na Zeven. Na de annern Siet verbinnt se de Gemeen mit de Navergemenen Brookel un Hemslingen un geiht wieter över Neenkerken bit na Soltau.

WeblenkenÄnnern

Heemsbünnen. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)