Vierden is en Oort un Gemeen in’n Landkreis Rodenborg (Wümm) mit 762 Inwahners (Stand 31. Dezember 2022). Neven den Hööftoort Vierden höört to de Gemeen veer wietere Oortsdelen.

Wapen/Flagg Koort
Wapen unbekannt
Vierden
Laag vun Vierden in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Zittens
Flach: 21,30 km²
Inwahners: 762 (31. Dezember 2022)
Hööchd: 34 m över de See
Postleettall: 27419
Vörwahl: 04169, 04282
Geograafsche Laag:
Koordinaten:53° 20′ N, 9° 31′ O
53° 20′ N, 9° 31′ O
Grenzen bi OSM: 1079029 1079029
Gemeenslötel: 03 3 57 050
Öörd in de Gemeen: 5
Börgermeester: Harald Schmittchen (CDU)
Websteed: www.vierden.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Vierden in’n Landkreis Rodenborg (Koort lett sik anklicken)

Geografie ännern

 
Vierden vun Oosten ut sehn.

Vierden maakt en teemlich wietlöpigen Indruck, dordör dat de Oortsdeelen to’n Deel wiet uteneen leegt un wiete Feldmarken dörtwüschen leegt. Dat Gemeenrebeet endt in’n Noorden an’t Woonster Möhlenmoor un in’n Oosten an’n Thörenwoold.

Vun de Landschap her tellt de Gemeen Vierden to de Harsfelder Geest, de prägt is vun de sandigen un lehmigen Aflagern vun de letzten Iestiet (Schuuvmergel). Dör dat Rebeet lööpt de Ramm, en lütten Beek, de bi Zittens in de Oost münnt.

Geologie ännern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie ännern

De Gemeen Vierden is entstahn, as de beiden Öörd Ippens, mit all de tohöörenden Deelen, un Vierden mit Ramshuus to een Gemeen tohopenleggt weern. Ippens künn woll de öllere vun de beiden Öörd wesen, aver dat is nich nipp un nau klor. Man Ippens weer dat eerste mol 1335 in en Oorkunnen vertekent vun dat Klooster Neeklooster bi Buxthu.

Religion ännern

Vierden is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik ännern

Oortsdelen ännern

De Gemeen besteiht ut fief Oortsdelen, de sik över en gröttere Flach verdeelt:

Gemeenraat ännern

Siet de Kommunalwahl 2016 sett sik de Gemeenraat as folgt tosamen:

Partei 2016 2011 2006 2001
CDU 6 4 5 6
SPD 3 3 2
Bündnis 90/De Grönen 1
WFB 3 1 1 1

Wapen ännern

Dat Wapen vun de Gemeen Vierden wiest de Borg vun de Gemeen.

Kultur ännern

 
De Ramm in de Feldmark bi Nüddel.

Kulturell sünd de Öörd Ippens un Vierden bannig dör de Landweertschap prägt. De Oortskarn vun Ippens warrt bestimmt dör olle Fachwarkhüüs, de över de Johren ersaturiert un wedder torecht maakt worrn sünd un sik vundaag jümmer noch in jemehr anfänglichen Utsehn dorstellen doot. De Hööftstraat warrt süümt vun düchtig olle Ekenbööm. In Ippens gifft dat en Riederhoff, op den ok Ieslandpeerd tücht warrt.

In Vierden hebbt sik mit de Johren veele Inwahners ut Hamborg oder Bremen daallaten, de den Vördeel vun dat ruhig Leven op’n Land vör sik opdeckt hebbt. De Gegend is nich touristisch opslaten, man laadt liekers aver to’n Wannern oder to’n Radföhren in.

För dat kulturelle Dörpsleven sorgt de freewillige Füerwehr, de Dörpsjöögd un ok en Sportvereen.

Sport ännern

In de Gemeen gifft dat den SV Ippens, de an’n 27. März 1961 grünnt worrn is. De eersten Anfäng gaht op de 1920er Johren torüch, as man al so’n beten Football bolzt hett man wieldat so wenig Spelers tohopenkeemen, is dat wedder inslapen. En poor Johr later leev dat wedder op, man dör de politischen Ümstännen hett dat nich lang duert, bit de Vereen wedder oplööst weer. Un in’n Tweeten Weltkrieg geev dat sowieso keen Vereensleven.

Vundaag hett de SV Ippens ruchweg 220 aktive un passive Liddmaten, de in verscheedene Speelklassen Football spelen doot.

Verkehr ännern

De Gemeen Vierden warrt in’n Oosten vun de L 130 flankeert, de na Zittens löppt un dor mit de Opfohrt 47 Zittens Ansluss an de A 1 (Afsnidd HamborgBremen) hett. Butendem gifft dat op’n Rebeet vun de Gemeen noch ein poor lütte Kreisstraten. De K 134 geiht vun de L 130 af und föhrt över Vierden na Ippens un denn wieter över Lütt-Ippens in Richten na Zeven. De K 139 geiht bi Lengenbossel ok vun de L 130 af un geiht över Nüddel un Ippens-Süüd an Groot-Ippens vörbi un föhrt denn wieter na de Gemeen Ohlers in’n Landkreis Stood. Un denn gifft dat noch de K 123, de Ippens mit Lütt Meckels verbinnen deit un wieter na Groot Meckels löppt.

Literatur ännern

  • Hartmut Vollmer: Gemeinde Vierden. Aus der Geschichte der beiden Dörfer Vierden und Ippensen., Chronik (hoochdüütsch)