Mairie Bremervöör
De Mairie Bremervöör weer in de Franzosentied (1810 bet 1813) een von de dree Mairien, in de de Kanton Bremervöör indeelt weer. De Seet weer in Bremervöör. Se harr 3911 Inwahners.[1]
Historie
ännernDe Ümgegend von Bremervöör hett vör de Franzosentied to dat Amt Bremervöör un dat Gericht Neer-Ochenhusen in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Bremervöör een von de acht Mairien in’n Kanton Bremervöör von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Bremervöör weer nu een von de dree Mairien in’n Kanton Bremervöör, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de söss Mairien Bremervöör, Eversdörp, Neendamm, Neer-Ochenhusen, Örel un Sprekens (all söss in’n Kanton Bremervöör) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Bremervöör (1321 Inwahners)
- Eversdörp, Alfs[Notiz 1], Breedmeh, Drüddgeest (tohoop 508 Inwahners)
- Neendamm, Isheim, Hönau, Oostendörp, Mehdörp (tohoop 757 Inwahners)
- Neer-Ochenhusen, Möhlheim, Ottendörp, Lindörp (tohoop 428 Inwahners)
- Örel, Fashöfen, Glinn, Barchel, Slangendiek, Hipst, Freedag, Sünnerwoold, Heinschenwall, Bokelah, Drachel (tohoop 541 Inwahners)
- Sprekens, Tingo, Fohrendörp, Mintenborg, Olenborg (tohoop 356 Inwahners)
Vondaag sünd düsse Öörd Deel von de Samtgemenen Geestborn un Sürsen, de Stadt Bremervöör un de Gemeen Gnarrenborg.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 63
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 17
Notizen
ännern- ↑ De Oort Alfs warrt in dat Book Der französische Kayser-Staat unter der Regierung des Kaysers Napoleon des Großen, im Jahre 1812 dubbelt optellt: eenmaal bi de Mairie Bremervöör un eenmaal bi de Mairie Loomst. Wohrschienlich is dat en Fehler.