Rechtenflethermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 22′ N, 8° 35′ O53° 22′ N, 8° 35′ O | |
|
| ||
Rechtenflethermoor (hoochdüütsch Rechtenflethermoor) is en lütten Oort in de Gemeen Hagen in’n Landkreis Cuxhoben, Neddersassen. De Oort hett polietsch fröher jümmer bi Rechtenfleth mit bihöört, is vondaag aver en Deel von de polietsche Oortschop Driftseth.
Geografie
ännernDe Oort liggt in dat Moor von dat Siedland in Oosterstood. Na Oosten slütt sik de Oosterholter Geest an. Dat Water ut dat Rebeed flütt över Gravens na de Bövere Maleek un dat Peuschamsfleet un toletzt in de Luun. Dat Water op de Noordsied von de Kreisstraat 51 flütt över de Bargdrept af. De Werser löppt veer Kilometer in’n Westen langs. In’n Oosten liggt dat Naturschuulrebeed Bargsmoor/Rechtenflethermoor.
De Naveröörd sünd Blömkenmoor in’n Noorden, Driftseth in’n Noordoosten, Wittenbarg in’n Oosten, Kassbrook un Hagen in’n Süüdoosten, de Uthlederbarg in’n Süden, Offenwardermoor un Saanstermoor in’n Süüdwesten, Saans in’n Westen un Rechtenfleth un Feldhoff in’n Noordwesten.
Historie
ännernRechtenflethermoor is as Moor-Anbo von Rechtenfleth ut grünnt worrn. Dat weer över lange Tied blots en enkelt Huus. Eerst in dat 19. Johrhunnert sünd dor mehr Hüüs tokamen.
Verwaltungsgeschicht
ännernDe Oort hett vör 1885 to’n Bezirk Noord-Oosterstood von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
In dat 20. Johrhunnert is Rechtenflethermoor von de Gemeen Rechtenfleth an de Gemeen Hagen fullen. Nadem an’n 1. Januar 2014 ut de Samtgemeen Hagen de Eenheitsgemeen Hagen worrn is, is de vörherige Gemeen Hagen op verscheden Oortschoppen opdeelt worrn. Sietdem höört Rechtenflethermoor to de Oortschop Driftseth binnen de Gemeen Hagen.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1. Dezember 1871[3] | 24 Lüüd, 5 Hüüs |
| 1. Dezember 1885[4] | 20 Lüüd, 4 Hüüs |
Religion
ännernRechtenflethermoor is evangeelsch-luthersch präägt un höört to dat Kaspel von de Johannes-de-Döper-Kark in Saans.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
ännernFör den Oort is de freewillige Füürwehr Rechtenfleth mit tostännig.
Verkehr
ännernAn Rechtenflethermoor langs löppt de Kreisstraat 51, de in’n Westen na Saans an de K 50 un in’n Oosten na Hagen an de Landsstraat 134 geiht. De K 50 geiht in’n Noorden över Rechtenfleth, Neenlann un Büttel na Deesdorp un in’n Süden na Weersbe un Rechtebe. De L 134 löppt in’n Süden över Uthleer un Meyenborg na Swonewebel un Blomendal un in’n Noordoosten över Hagen un Braamst na Stubben un Beverst.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt blots 300 Meter in’n Westen von Rechtenflethermoor an de K 51.
De Bahnhööv Wulsdörp, Lox, Luunst, Stubben un Lübbs an de Bahnlien Bremen–Bremerhoben sünd all lieker wied so üm un bi 16 Kilometer wied weg. Op de Nedderwerserbahn hett dat von 1911 bet 1931 Personenverkehr geven. De Bahnhoff Saans leeg so veer Kilometer in’n Westen.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 187
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 500
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)