Feldhoff (Gemeen Hagen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04702 | |
| Geograafsche Laag: | Koordinaten:53° 23′ N, 8° 31′ O53° 23′ N, 8° 31′ O | |
|
| ||
Feldhoff (hoochdüütsch Feldhof) is en lütten Oort in de Gemeen Hagen in’n Landkreis Cuxhoben, Neddersassen. De Oort besteiht ut en poor enkelte Hööv, de in’n Noordoosten von dat Dörp Rechtenfleth liggen doot.
Geografie
ännernDe Oort liggt in de Masch von Noorder-Oosterstood. Dat Water ut dat Rebeed warrt afföhrt över dat Rehdesfleet un dat Inkersfleet, dat in’n Westen in de Ünnerwerser münnt.
De Naveröörd sünd Neenlann in’n Noorden, Reitmoor un de Hoff Blömkenmoor in’n Noordoosten, Driftseth, Wittenbarg, Rechtenflethermoor un Saanstermoor in’n Süüdoosten, Saans in’n Süden, Rechtenfleth in’n Süüdwesten un de Hüüs an dat Drepter Siel in’n Noordwesten.
Historie
ännernVerwaltungsgeschicht
ännernFeldhoff höört polietsch von öllers bi Rechtenfleth mit bi.
Dat Oort hett vör 1885 to dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
1968 is de Gemeen Rechtenfleth bi de Gemeen Saans kamen. To’n 1. Januar 2014 is de Gemeen Saans oplööst un Rechtenfleth Deel von de Gemeen Hagen worrn.[1]
Inwahnertall
ännern| Johr | Inwahners |
|---|---|
| 1791[2] | 2 Füürsteden |
| 1824[3] | 1 Füürsteed |
| 1. Dezember 1871[4] | 30 Lüüd, 4 Hüüs |
Religion
ännernFeldhoff is evangeelsch-luthersch präägt un höört to dat Kaspel von de Johannes-de-Döper-Kark in Saans.
För de Kathoolschen is de St.-Johannes-de-Döper-Kark in Lox tostännig, de siet 1. November 2006 to de Karkengemeen Hillig Hart Jesu in Bremerhoben höört. De Kark in Lox is 1966 wieht worrn. Vörher weer von 1911 bet 1959 de Hillig-Hart-Jesu-Kark in Geestmünn un von 1959 bet 1966 de St.-Nikolaus-Kark in Wulsdörp för dat Rebeed tostännig.
Weertschop un Infrastruktur
ännernVerkehr
ännernDör Feldhoff löppt de Kreisstraat 50, de in’n Noorden na Neenlann, Büttel un Deesdörp geiht un kort vör Deesdörp an de Bundsstraat 437 anbunnen is. In’n Süden geiht de K 50 na Saans, Offenwarden un Weersbe. De Verkehr mit dat annere Över von de Werser, de fröher kumplett över de Fähren Braak–Saans un Lüttjensiel–Deesdörp lopen is, is siet 2003 düüdlich lichter worrn, nadem de Wersertunnel (B 437) trech weer.
De nächste Autobahn is de Autobahn 27 (Afsnidd Bremerhoben–Bremen). De Opfohrt 12 Hagen liggt so acht Kilometer Autofohrt in’n Süüdoosten von Feldhoff an de K 51.
De nächste Bahnhööv sünd so bi 17 Kilometer wied weg in’n Noordoosten de Bahnhoff Lox an de Bahnlien Bremen–Bremerhoben un 16 Kilometer in’n Noordwesten de Bahnhoff Lüttjensiel an de Bahnlien Hude–Blexen. Von September 1911 bet 1931 harr ok Rechtenfleth en egen Bahnhoff an de Nedderwerserbahn.
Footnoten
ännern- ↑ Gesetz über die Neubildung der Gemeinde Hagen im Bremischen, Landkreis Cuxhaven vom 19. Juni 2013, In: Niedersächsisches Gesetz- und Verordnungsblatt Nr. 10/2013 vom 25. Juni 2013, S. 162
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 74
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 500
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)
