San Ignacio/Santa Elena
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 17.946 (2010) | |
| Geograafsche Laag: | Koordinaten:17° 10′ N, 89° 4′ W17° 10′ N, 89° 4′ W | |
|
| ||
San Ignacio/Santa Elena is en Lüttstadt (Town) in’n Distrikt Cayo in Belize un ok de Hööftstadt von’n Distrikt. De Dubbelstadt besteiht ut de twee Oortsdelen San Ignacio un Santa Elena.
Geografie
ännernDe twee Oortsdelen warrt von’n Macal River trennt. Op dat Oostöver liggt Santa Elena un op dat Westöver San Ignacio. En lütt Stück in’n Noorden von’n Oort flütt de Macal River mit’n Mopan River tohoop un billt dormit den Belize River. Na Süden to doot de Maya-Bargen liggen.
De Naveröörd sünd Santa Familia un Billy White in’n Noorden, Esperanza un Central Farm in’n Noordoosten, Upper Barton Creek, Seven Miles un San Antonio in’n Süüdoosten, Cristo Rey in’n Süden, Benque Viejo del Carmen, San Jose Succotz un Calla Creek in’n Süüdwesten un Bullet Tree Falls in’n Westen.
Historie
ännern.jpg)
An’n Rand von de Stadt doot de Maya-Ruinen von Cahal Pech liggen.
De Oort, de von de Spaniers toeerst El Cayo un von de Briten The Cayo nöömt worrn is, is in dat 19. Johrhunnert grünnt worrn, as in dat Rebeed vör allen Mahagoni un Chicle wunnen worrn sünd. De Naam (spaansch för „Eiland“) kummt dorvon, dat dat fröher en tweten Waterloop twüschen Macal River un Mopan River geven hett, so dat dat Rebeed op all Sieden von Water ümgeven weer. In de Johren 1940 hett dat noch en Brügg över düssen Waterloop geven, aver later in dat 20. Johrhunnert is de Waterloop verfüllt worrn un besteiht nu nich mehr.
De Naam San Ignacio is 1870 opkamen, as ünner Andrew Bavastro en Kapell boot worrn is, de Ignatius von Loyola wieht weer.
An’n 19. Oktober 1904 hett de Oort den Status von en Town kregen.
In’n November 1962 is denn beslaten worrn, dat Santa Elena un San Ignacio to een Gemeen (Town) tohoopslaten warrt.[1] Sietdem warrt de Oort ok Twin Towns nöömt.
Inwahnertall
ännern| Johr | Inwahners |
|---|---|
| 1970[2] | 4.336 |
| 1980[2] | 5.616 |
| 1991[2] | 8.962 |
| 2000[2] | 13.260 |
| 2010[3] | 17.946 |
| 2018[4] | 22.335 |
De Inwahners weren bi’n Zensus 2000 to 70 % Mestizen un to 20 % Kreolen. De Rest hett sik op de verscheden annern Volksgruppen von Belize opdeelt.[3]
Börgermeesters
ännernDüsse Börgermeesters hebbt de Stadt föhrt:[5]
| Tied | Börgermeester | Partei |
|---|---|---|
| 1958–1960 | Hamid Musa | NP |
| 1961–1963 | Hector Silva | PUP |
| 1964–1965 | Santiago Perdomo | PUP |
| 1966–1968 | Domingo T. Espat | |
| 1969 | Armando Sabido | |
| 1970–1971 | Eduardo V. Luna | |
| 1972 | Gabriel Roches | |
| 1972 | Fransisco Bautista | |
| 1973–1974 | Joseph Andrews | |
| 1975 | Teodocio Ochoa | |
| 1976–1978 | Armando Sabido | |
| 1979–1980 | Joseph Andrews | |
| 1980 | Alberto Montero | |
| 1981–1983 | Domingo Cruz, Sr. | |
| 1984 | Rene Moreno | |
| 1985–1987 | Eulogio Cano | |
| 1988–1989 | Domingo Cruz, Jr. | |
| 1990 | Victor August | |
| 1991 | Salvador Fernandez | |
| 1992 | Eulogio Cano | |
| 1993–1994 | Alvaro Palencia | |
| ? | Luis Manzanero | |
| 1995 | Victor August | |
| ? | Martin Galvez | |
| ? | Marconi Matus | |
| ? | Albert Bradley | |
| 1999? | Desmond Berry | |
| 2000–2002 | Orlando Habet | PUP |
| 2003–2005 | Alfonso Cruz, Jr. | |
| 2006–2014 | John August, Jr. | |
| 2015– | Earl Trapp | UDP |
Weertschop un Infrastruktur
ännernIn San Ignacio besteiht dat San Ignacio Hospital un in Santa Elena dat La Loma Luz Hospital.
Verkehr
ännern
Dör’n Oort un mit de Hawkesworth-Brügg över’n Macal River föhrt de George Price Highway, de in’n Noordoosten över Belmopan na Belize-Stadt föhrt un in’n Süüdwesten na Benque Viejo del Carmen na de Grenz to Guatemala.
De nächsten Flegerplätz sünd de von Maya Flats bi Calla Creek un de Matthew Spain Airport in Central Farm.
Scholen
ännernDat gifft in de Stadt verscheden Grundscholen un dree högere Scholen: Sacred Heart College, Eden Seventh Day Adventist High School un Saint Ignatius High School.
Footnoten
ännern- ↑ A Walk Through El Cayo: San Ignacio and Santa Elena. Institute for Social and Cultural Research, 2015
- ↑ a b c d Zensus 2000 (PDF) von dat Central Statistical Office of Belize
- ↑ a b Zensus 2010 (PDF) von dat Statistical Institute of Belize
- ↑ http://citypopulation.de/Belize_d.html
- ↑ Hector David Silva: Brief History of the Cayo District. SEYT, Juli 2010, Sied 63
Weblenken
ännern
San Ignacio/Santa Elena. Mehr Biller, Videos oder Audiodateien to’t Thema gifft dat bi Wikimedia Commons.
Arenal | Armenia | Belmopan | Benque Viejo del Carmen | Billy White | Blackman Eddy | Buena Vista | Bullet Tree Falls | Calla Creek | Camalote | Central Farm | Cotton Tree | Cristo Rey | Duck Run 1 | Duck Run 2 | Duck Run 3 | Esperanza | Frank’s Eddy | Georgeville | La Gracia | Los Tambos | Lower Barton Creek | More Tomorrow | Ontario | Paslow Falls | Ringtail | Roaring Creek | San Antonio | San Ignacio/Santa Elena | San Jose Succotz | Santa Familia | Santa Martha | Selena | Seven Miles | Spanish Lookout | St. Matthew’s | Teakettle | Unitedville | Upper Barton Creek | Valley of Peace