Punta Gorda (Belize)

Wapen/Flagg

Koort

Basisdaten

Distrikt: Toledo

Inwahners:

5.351 (2010-00-002010)

Geograafsche Laag:

Koordinaten:16° 6′ N, 88° 48′ W16° 6′ N, 88° 48′ W

Punta Gorda is en Gemeen in’n Distrikt Toledo von dat Land Belize. De Haven- un Fischeroort is de Hööftstadt von’n Distrikt. Von de Inheemschen warrt de Oort fakener as P.G. afkört.

Geografie

De Oort liggt an de Küst von de Bucht von Amatique twüschen Rio Grande (fiev Kilometer in’n Noordoosten) un Moho River (fiev Kilometer in’n Süüdwesten). Twölv Kilometer in’n Noordoosten doot de Seven Hills liggen.

De Naveröörd sünd Cattle Landing un Hopeville in’n Noorden, Barranco in’n Süüdwesten, Boom Creek un Santa Ana in’n Westen un San Felipe, Jacintoville un Eldridgeville in’n Noordwesten.

Historie

De Oort is in dat 19. Johrhunnert von Minschen ut dat Garifuna-Volk grünnt worrn. De Garifuna stellt jümmer noch en groten Deel von de Inwahners, vondaag gifft dat aver ok Mestizen, Kreolen un Maya (Kekchí un Mopan).

De Status von en Town hett de Oort an’n 21. Januar 1895 kregen.^[1]

Inwahnertall

Johr	Inwahners
1970-00-001970^[2]	2.083
1980-00-001980^[2]	2.396
1991-00-001991^[2]	3.458
2000-00-002000^[2]	4.329
2010-00-002010^[3]	5.365
2018-00-002018^[4]	6.272

De Inwahners weren bi’n Zensus 2000 to 31 % Garifuna, to 24 % Maya, to 19 % Mestizen, to 15 % Kreolen un to 9 % Inders. De Rest hett sik op de verscheden annern Volksgruppen von Belize opdeelt.^[3]

Religion

För de Kathoolschen is de Karkengemeen St. Peter Claver dor.

Börgermeesters

Börgermeesters
Tied	Börgermeester	Partei
–1965	Faustino Zuniga	PUP
1965–1968	Alejandro Vernon	PUP
1970–1973	Alejandro Vernon	PUP
2003–2009	Carlos Galvez	PUP
2009–2012	Floyd Lino	UDP
2012–2015	Anthony Fuentes	PUP
2015–2018	Fern Gutierrez	UDP
2018–	Ashton Mckenzie	UDP

Weertschop un Infrastruktur

An dat Telefoonnett is de Oort 1906 anslaten worrn.^[1]

Verkehr

De Oort liggt an dat Enn von’n Southern Highway, de in’n Noordwesten toeerst na Dump föhrt un dor an de San Antonio Road anslaten is, un denn na Noordoosten na Dangriga.

En Straat na Guatemala gifft dat nich. Dat gifft aver Watertaxis na Puerto Barrios un Livingston.

In’n Oort liggt de Flegerplatz Punta Gorda Airport.

Footnoten

↑ ^a ^b Toledo's history
↑ ^a ^b ^c ^d Zensus 2000 (PDF) von dat Central Statistical Office of Belize
↑ ^a ^b Zensus 2010 (PDF) von dat Statistical Institute of Belize
↑ http://citypopulation.de/Belize_d.html

Weblenken

Punta Gorda (Belize). Mehr Biller, Videos oder Audiodateien to’t Thema gifft dat bi Wikimedia Commons.

Gemenen von’n Distrikt Toledo in Belize

[ToledosHistory-1] Toledo's history

[ZensusBelize2000-2] Zensus 2000 (PDF) von dat Central Statistical Office of Belize

[ZensusBelize2010-3] Zensus 2010 (PDF) von dat Statistical Institute of Belize

[citypopulation-4] ttp://citypopulation.de/Belize_d.html

[1]

[2]

[3]

[4]