As Ananke-Grupp warrt en Koppel vun Jupitermaanden tohopenfaat, de sik op teemlich lieke Ümloopbahnen üm Jupiter rüm bewegt. Nöömt is de Grupp na den gröttsten dorvun.

Dat Diagramm wiest de Bahnhalfassen (in Mio. km, waagrecht Ass) un de buteren Jupiter-Maanden gegen de Inklinatschoon (in °, Halfbagen) dor. De roten Kreisen düüdt de Maandradien an. De gelen Lienen markkeert den Speelruum twüschen den neegsten un wietsten Punkt vun’n Jupiter.
Utsnitt ut dat bövere Bild, dat de Carme-Grupp verdüdlichen deit.

De groten Halfassen vun jemehr Bahnen leegt dorbi twüschen 19,3 un 22,7 Millionen Kilometer, de Exzentrizitäten sünd twüschen 0,2 un 0,28 un de Inklinatschonen – dat heet, woveel de Bahn gegen den Jupiteräquater neegt is – hebbt Weerten twüschen 145,7° un 154,8°. De Maanden sünd dorbi all torüchlöpig, bewegt sik also gegen den Dreihsinn vun de Jupiterrotatschoon.

Acht Maanden tellt in elk Fall to disse Grupp, aver afhangig vun de Definitschoon för de Grupp künnt dat noch mol bit to acht mehr wesen.

De eersten acht Maanden sünd mit tonehmend Afstand vun’n Jupiter:

De annern acht, de na fastleggte Definitschoon dorto höören künnt:

De Internatschonale Astronoomsche Union (IAU) vergifft för Maanden vun’n Jupiter mit en retrograde (torüchlöpige) Bahn Naams, de op e endt.