Thebe (Maand)

Thebe (ok Jupiter XIV) is en lütten Maand vun den Planeten Jupiter. Dat is de veertneegste an’n Jupiter un warrt to de Amalthea-Grupp tellt.

Opdecken

De lütte Maand is an’n 5. März 1979 vun den Astronomen Stephen P. Synnott opdeckt worrn. He harr den Maand op Biller funnen, de vun de Ruumsond Voyager 1 maakt weern, as de an’n Jupiter vörbiflagen is. Toeerst hett de Maand de vörlöpig Beteken S/1979 J 2 kregen. 1983 is he denn offiziell nöömt worrn na en Nymphe Thebe ut de greekschen Mythologie.

Ümloopbahn

Thebe bewegt sik binnen vun de Jupiter-Ringen mit en middleren Afstand vun 221.900 km. De Bahn is man blots en beten gegen den Planeten-Äquater neegt, nipp un nau üm 1,08°. De Exzentrizität vun de Bahn is mit 0,0176 nich so bannig groot.

Opbo un physikaalsch Egenschoppen

De Maand hett en middleren Dörmeter vun 99 km, is aver nich as en Kugel, man en beten wat in de Läng togen mit Afmeten vun ungefäähr 110 x 90 km. De middlere Dicht warrt mit 3,0 g/cm³ en angeven. De Albedo is mit 0,047 teemlich düster – blots ruchweg 5% vun dat infallend Sünnenlicht warrt wedder reflekteert. För en Rotatschoon üm de egen Ass bruukt Thebe 16 Stünnen un 12 Minuuten. As de meisten Maanden hett ok Thebe en Bunnen Rotatschoon.

In’n Januar 2000 hett de Ruumsond Galileo Biller vun den Maand maakt. Dorop sünd tomindst dree bannig grote Impaktkraters op to sehn.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden