Sponde (Maand)

Sponde (ok Jupiter XXXVI) tellt to de lütten, buteren Maanden vun’n Planet Jupiter. De is an’n 9. Dezember 2001 opdeckt worrn vun en poor US-amerikaansche Astronomen vun de University of Hawaii ünner dat Regeer vun Scott S. Sheppard. He is na Sponde nöömt, en vun de Horen ut de greekschen Mythologie. De vörlöpige Beteken vun den Maand weer toeerst S/2001 J 5.

Ümloopbahn

De Maand kreist op en Ümloopbahn mit en middleren Afstand vun 23.487.000 km üm den Planeten un bruukt dorför ruchweg 748 Daag, 8 Stünnen un 10 Minuuten. De Bahn hett en bannig grote Exzentrizität vun 0,3121 un is üm 150,998 ° gegen den Äquater vun den Jupiter neegt. De Bewegen vun den Maand is dormit retrograad, dat heet, dat sik Sponde gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is meist de sülve as bi en poor annere Maandbahnen ok. Disse Maanden warrt dorüm tohopenfaat to de Pasiphae-Grupp, nöömt na den gröttsten Maand ut de Grupp.

Egenschoppen

Sponde hett en middleren Dörmeter vun jüst mol 2 km un tellt dormit to de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Sponde tomehrst ut Silikat-Steen opboot is. Disse Egenschoppen sünd ok meist gliek bi all de lütten Maanden.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden